Rossiyada xorijiy işçilar reyestri tayyorlanmoqda: migrantlar uçun nimalar özgaradi?
Rossiyada elektron reyestr, işga joylaşişga qöyiladigan yangi talablar va qöşimça xarajatlar bilan xorijiy işçilarni uyuşgan holda işga qabul qiliş tizimini joriy etiş rejalaştirilmoqda. Tajribaning birinçi bosqiçi 2027-yil 1-martdan keyin boşlanişi mumkin. Taxmin qilinayotgan özgarişlar xorijiy davlatlar fuqarolariga, şuningdek, Rossiyada allaqaçon işlayotgan migrantlarga qanday taʼsir qiladi?
Rossiyada xorijiy ishchilar reyestri tayyorlanmoqda: migrantlar uchun nimalar o‘zgaradi?
Rossiyada xorijiy ishchilarni uyushgan tarzda ishga qabul qilish tizimini (orgnabor) joriy etish rejalashtirilmoqda.
Tajribaning birinchi bosqichi 2027-yil 1-martdan, ikkinchisi esa 2029-yil 1-yanvardan keyin boshlanishi kutilmoqda. Hozircha gap loyiha haqida ketmoqda, shu bois yakuniy muddatlar va qoidalar qabul qilinadigan qonunga bog‘liq bo‘ladi.
Yangi tizimga ko‘ra, chet elliklar zarur xodimlar soni, ularning lavozimi va yollash shartlarini oldindan ko‘rsatgan aniq bir ish beruvchining qo‘lida ishlash uchun keladi. Amaldagi ruxsat beruvchi hujjatlar o‘rniga ish beruvchilar va xodimlarning elektron reyestrlaridan foydalanish rejalashtirilmoqda.
Tajriba Moskva shahri va Moskva viloyatidan tashqari butun Rossiyani qamrab olishi kerak. Ayrim toifadagi chet elliklar, jumladan, Belarus fuqarolari va yuqori malakali mutaxassislar yangi tartibdan ozod etilishi kutilmoqda.
Qirg‘iziston va Qozog‘iston fuqarolari hozir Yevroosiyo iqtisodiy ittifoqiga (YEOII) a’zo boshqa davlatlar fuqarolari kabi Rossiyada patentsiz va ishlash ruxsatnomasiz mehnat qilishi mumkin. Loyihaning o‘zi bu huquqlarni bekor qilmaydi. Biroq ularning yangi reyestrda ro‘yxatdan o‘tishi talab etiladimi-yo‘qmi, degan masala qonunning yakuniy matni bilan tartibga solinishi kerak. Tuzatishlarning avvalgi variantlaridan birida YEOII fuqarolarini xodimlar reyestriga kiritganlik uchun davlat bojidan ozod qilish ko‘zda tutilgan edi.
Uyushgan tanlovda ishtirok etish uchun ish beruvchi Rossiya IIV reyestrida ro‘yxatdan o‘tishi va vazirlik qoshidagi «Pasport-viza xizmati» orqali talabnoma topshirishi kerak bo‘ladi. Unda xodimlar soni, ish joyi va yollash shartlari ko‘rsatilishi lozim. Mehnat shartnomasini bir yilga tuzish rejalashtirilmoqda va uning shartlari, jumladan, ish jadvali ham talabnomaga mos kelishi kerak. Shuningdek, ish haqi va ijtimoiy kafolatlarni o‘zgartirish imkoniyati ham nazarda tutilgan.
Ish beruvchilarga xodimlarni genom bo‘yicha ro‘yxatga olish xarajatlarini to‘lash va zarurat tug‘ilganda, ularni deportatsiya qilish bo‘yicha davlat xarajatlarini qoplash majburiyati yuklatilishi mumkin. Kompaniya 15 nafardan ortiq chet ellikni ishga yollasa, ularni mehnat shartnomasi amal qilish muddati davomida uy-joy bilan ta’minlashi shart bo‘ladi. Jismoniy shaxslar uchun esa yollanma migrantlar sonini besh nafardan oshirmaslik bo‘yicha cheklov o‘rnatish taklif etilmoqda.
Chet ellik ishchilar tizimda ro‘yxatdan o‘tishi, uch yil muddatga identifikatsiya kartasini olishi va tibbiy ko‘rikdan o‘tishi lozim bo‘ladi. Hujjatlarni rasmiylashtirish vaqtida ularni «migratsiya mehmonxonalari» deb ataluvchi joylarga joylashtirish rejalashtirilgan. Bunda kartaning uch yillik amal qilish muddati mehnat shartnomasi ham uch yilga tuzilishini anglatmaydi.