Rossiyada sudlangan Oʻzbekiston fuqarolarining farzandlari vatanga qaytarildi
Rossiyada sudlangan oʻzbekistonlik ayollarning uch nafar farzandi Qozondagi bosh konsulxona diplomatlari saʼy-harakatlari bilan vataniga qaytarildi. Bir yoshdan toʻrt yoshgacha boʻlgan bolalar Mordoviyadagi axloq tuzatish muassasasi huzuridagi bolalar uyida saqlanayotgan edi.
Rossiyada sudlangan Oʻzbekiston fuqarolarining farzandlari vataniga olib kelindi
Rossiyadan Oʻzbekistonga Mordoviya Respublikasi va Samara viloyatidagi axloq tuzatish muassasalarida jazo oʻtayotgan mamlakat fuqarolarining voyaga yetmagan farzandlari qaytarildi, deb xabar berdi Tashqi ishlar vazirligi matbuot xizmati.
Bolalar Mordoviyadagi axloq tuzatish muassasalaridan birining qoshidagi bolalar uyida boʻlgan.
TIV matbuot kotibi Omonulla Fayziyevning «Gazeta»ga maʼlum qilishicha, jami uch nafar bola qaytarilgan: ikki qiz — biri 4 yoshda, ikkinchisi 2,5 yoshda — va bir yoshli oʻgʻil bola.
Tegishli materiallar Rossiyaning vakolatli organlariga topshirilgan.
Bolalarni qaytarishni tashkil etish bilan Oʻzbekistonning Qozon shahridagi bosh konsulxonasi shugʻullandi.
Yoʻlda ularga Oʻzbekistondan xizmat safariga yuborilgan diplomatlar va Ichki ishlar vazirligi xodimlari hamrohlik qildi.
TIV bosh konsulxona Rossiya axloq tuzatish muassasalari qoshidagi bolalar uylarida boʻlgan Oʻzbekiston fuqarolarining farzandlarini qaytarish bilan tizimli ravishda shugʻullanayotganini taʼkidladi.