Rossiyada Li Auto egalari master-akkaunt öğirliklariga uçradi
Rossiyadagi Li Auto avtomobillari egalari master-akkauntlari öğirlanişi bilan boğliq kiberhujumlarga duç kelmoqda. Akkaunt buzilgandan söng, haydovçilar avtomobilning ayrim funksiyalaridan, hatto uni işga tuşiriş imkoniyatidan ham mahrum bölişi mumkin.
Rossiyada Li Auto egalari master-akkaunt o‘g‘irliklariga duch keldi
Xitoyning Li Auto krossoverini sotib olgan rossiyaliklar master-akkaunt o‘g‘irlanishining to‘lqiniga ro‘baro‘ bo‘ldi. Akkaunt buzilgach, avtomobillar o‘z funksiyalarining bir qismini yo‘qotishi mumkin: ekranlar o‘chib qoladi, iqlim nazorati ishlamaydi, ayrim holatlarda esa mashinani umuman ishga tushirib bo‘lmaydi.
Nashr maʼlumotlariga ko‘ra, kiberjinoyatchilar aslida raqamli boshqaruv kaliti hisoblangan avtomobilning master-akkaunti ustidan nazoratni qo‘lga kiritadi. Shundan so‘ng ular mashina egasi bilan bog‘lanib, akkauntga kirish huquqini tiklash uchun pul talab qiladi. Hozircha kamida 20 kishi jabrlangani maʼlum, biroq ularning haqiqiy soni ancha ko‘p bo‘lishi mumkin.
Ayni paytda firibgarlar akkauntni qaytarish uchun 35–45 ming rubl so‘ramoqda. 2025-yil yozida kuzatilgan bunday hujumlarning birinchi to‘lqinida talab qilingan tovon puli 200–250 ming rublga yetgan edi.
Yangi sxemaning o‘ziga xos jihati shundaki, buzuvchilar eSender xizmatidagi akkauntlarga hujum qilmoqda — avtomobil egasi master-akkauntni ro‘yxatdan o‘tkazishda Xitoy telefon raqamlarini aynan shu xizmat orqali ishlatadi. Bunda hatto raqam uchun to‘lovni amalga oshirgan foydalanuvchilar ham tizimga kirish imkoniyatidan mahrum bo‘lmoqda.
Li Auto kompaniyasining Rossiyadagi rasmiy distribyutori — Sinomach Auto muammo borligini tasdiqladi. Kompaniya maʼlumotlariga ko‘ra, xitoylik ishlab chiqaruvchi rossiyalik hamkori bilan birgalikda akkauntlarni himoya qilish va qonuniy egalarining tizimga kirish huquqini tiklash mexanizmlarini ishlab chiqmoqda.
Shuningdek, avtomobilga egalik huquqini tasdiqlash tartibini joriy etish hamda avtorizatsiyani Xitoy telefon raqamlaridan elektron pochtaga o‘tkazish rejalashtirilgan. Xuddi shunday tizim 2026-yilgi model qatoriga kiruvchi Li Auto avtomobillarida allaqachon amal qilmoqda.
Sinomach Auto vakillarining maʼlum qilishicha, yangi yechimlarni joriy etish muddatiga hozircha aniqlik kiritilmagan.
Li Auto egalariga parollarni muntazam ravishda yangilab turish, tasdiqlash kodlari va master-akkaunt maʼlumotlarini begonalarga bermaslik, shuningdek, Xitoy raqamining amal qilish muddatini kuzatib borish tavsiya etiladi. Akkauntga kirish imkoniyati yo‘qolgan taqdirda, kompaniyaning qo‘llab-quvvatlash xizmatiga murojaat qilish va holatni qayd etish lozim.