Qurgʻoqchilik paytida tuproq sogʻlomligini qanday saqlash kerak?
Kornuolldan boʻlgan dehqonning aytishicha, tuproq, ekin zichligi va yaxshi sugʻorish tizimi uni qurgʻoqchilikdan himoya qilgan.
Qurgʻoqchilik paytida tuproq sogʻlomligini qanday saqlash kerak?
Konor Kendryuning aytishicha, ekinlarning zichligi tuproqdan suv bugʻlanishini toʻxtatadigan soyabon hosil qiladi
Bu yoz rekord darajadagi harorat, issiqlik toʻlqinlari, qurgʻoqchilik va shlanglardan foydalanishga taqiqlar bilan ajralib turdi va koʻplab fermerlar hamda dehqonlar qiyin ahvolda qoldi.
Ammo Kornuollning Sent-Kolumb shahri yaqinida kichik hajmdagi tomorqa xoʻjaligini yuritadigan bir dehqon qurgʻoqchilik unga nisbatan taʼsir qilmaganini aytdi.
Konor Kendryu buloq, hovuz va yigʻilgan yomgʻir suvidan foydalanadigan sugʻorish tizimini oʻrnatgan va maydon 0,5 akr (0,2 gektar) boʻlgani uchun yomgʻirlatib sugʻorish uskunalari ekinlarning katta qismini qamrab olishi mumkin.
Kendryu shunday dedi: "Biz boshidanoq juda yaxshi sugʻorish tizimiga juda katta sarmoya kiritdik. Biz odamlarning uylaridagidan taxminan olti baravar yuqori boʻlgan bosimni taʼminlay olamiz, bu esa sunʼiy yomgʻir yogʻdira olishimizni anglatadi".
Konor Kendryu oʻz fermasidan sabzavot qutilarini yetkazib berish tizimini yoʻlga qoʻygan
Kendryuning aytishicha, yerni qurgʻoqchilikka chidamlilikka tayyorlash eng muhim ish boʻlgan.
Uning soʻzlariga koʻra, u koʻp miqdorda kompostdan foydalangan va yerga minimal ishlov bergan, ekin qoldiqlari esa doimo oʻrilib, yerga qaytarilgan.
U shunday dedi: "Biz doimiy ravishda tuproqning organik moddalari va tuproqdagi organik uglerodni koʻpaytirib bormoqdamiz.
Butun ferma quyosh energiyasi bilan ham taʼminlangan, shuning uchun bizda bepul suv ham, bepul energiya ham bor. Men har oy elektr yoki suv uchun haddan tashqari shishirilgan hisob-kitoblarga qarab oʻtiradigan dehqon emasman.
Biz [shuningdek] tarmoqdan tashqari barqaror tizimni yoʻlga qoʻydik.
Hammamiz iqlim oʻzgarishi yaqinlashayotganini bilamiz.
Menimcha, ehtimol, men va rafiqam Rouz bu jarayon qanchalik tez reallikka aylanishini bir oz yaxshiroq anglaganmiz, shuning uchun bunga tayyorgarlik koʻrdik.
Suvimiz yetarli deb aytish, hamma narsa oson kechdi degani emas.
Issiqlikning oʻzi ekinlarni juda qattiq stressga soladi, ular qanchalik nam boʻlmasin.
Hamma qatori men ham [yaqindagi ob-havo va issiqlik toʻlqinlaridan] hayratdaman, lekin muhandis kabi, bunday vaziyatlar uchun tizimingizni oldindan mustahkamroq loyihalashtirishingiz kerak".