Qoʻshma oʻquv mashgʻulotlari doirasida
Qozogʻiston armiyasi Rossiyaga yoʻl oldi. Bu haqda respublika Mudofaa vazirligi xabar bermoqda. Idora maʼlumotlariga koʻra, Qozogʻiston armiyasining shaxsiy tarkibi va harbiy texnikasi KXSHT oʻquv mashgʻulotlarida ishtirok etish uchun Rossiyaga joʻnab ketmoqda.
«Joriy yilning 24 sentyabridan 3 oktyabriga qadar Rossiya Federatsiyasi hududida KXSHTning «Oʻzaro hamkorlik — 2026», «Qidiruv — 2026» va «Eshelon — 2026» oʻquv mashgʻulotlarini oʻtkazish rejalashtirilgan. Mashgʻulotlarga tayyorgarlik koʻrish va ularni oʻtkazish doirasida 21 sentyabrdan 5 oktyabrgacha harbiy texnika va shaxsiy tarkibning temir yoʻl transporti orqali Qozogʻiston Respublikasi hududi boʻylab Misyash stantsiyasigacha (Chelyabinsk viloyati, Rossiya) va orqaga rejali harakatlanishi amalga oshiriladi», — deyiladi Mudofaa vazirligi bayonotida.
Oʻquv mashgʻulotlari davomida dala mashgʻulotlari boʻlib oʻtadi, unda qoʻshinlarni qayta guruhlash, qoʻmondonlik boshqaruvi va vazifalarni bajarish koʻnikmalari sinovdan oʻtkaziladi.
«Tadbirlar KXSHTga aʼzo davlatlarning tasdiqlangan jangovar tayyorgarlik rejalariga muvofiq oʻtkazilmoqda. «Oʻzaro hamkorlik — 2026», «Qidiruv — 2026» va «Eshelon — 2026» oʻquv mashgʻulotlari muntazam ravishda va tashkilotga aʼzo davlatlar hududlarida navbatma-navbat oʻtkazib kelinadi», — deya qoʻshimcha qilinadi Mudofaa vazirligi bayonotida.