Qashqadayorda “Jiguli” daraxtga urilishi oqibatida 20 yoshli haydovchi halok bo‘ldi
Qashqadaryo viloyatining Shahrisabz tumanida VAZ-2105 avtomobili boshqaruvni yo‘qotib, daraxtga urildi. Oqibatda 26 yoshli haydovchi shifoxonada vafot etdi.
Qashqadaryoda “Jiguli” daraxtga urilishi oqibatida 20 yoshli haydovchi halok bo‘ldi
Qashqadaryo viloyatining Shahrisabz tumanida sodir bo‘lgan yo‘l-transport hodisasi oqibatida haydovchi vafot etdi, deya xabar bermoqda viloyat YHXB.
Voqea 26-oktabr kuni soat 23:30 lar atrofida Katta Novqat mahallasi hududidan o‘tgan yo‘lda yuz bergan. 2006-yilda tug‘ilgan haydovchi M.X. VAZ-2105 avtomobilini boshqarib ketayotib, rulni yo‘qotgan va yo‘l chetidagi daraxtga borib urilgan.
YTH natijasida haydovchi olgan tan jarohatlari sabab shifoxonada hayotdan ko‘z yumgan.
Mazkur holat yuzasidan Jinoyat kodeksining 266-moddasi 2-qismi (Odam o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozir tergov ishlari davom etmoqda.