Qariyb 29 ming nafar xotin-qiz og‘ir hayotiy vaziyatda – Dilnoza Kattaxonova
O‘zbekistonning 28 ta tuman va shahrida o‘tkazilgan xatlov natijasida 28 ming 600 nafar xotin-qiz og‘ir
Qariyb 29 ming nafar xotin-qiz og‘ir hayotiy vaziyatda — Dilnoza Kattaxonova
O‘zbekistonning 28 ta tuman va shahrida o‘tkazilgan xatlov yakunlariga ko‘ra, 28 ming 600 nafar xotin-qiz og‘ir hayotiy vaziyatga tushgan toifaga kiritildi.
Bu haqda Senat yalpi majlisida Oila va xotin-qizlar qo‘mitasi raisi Dilnoza Kattaxonova ma’lum qildi.
Tajriba doirasida 2 million 300 mingdan ortiq xotin-qizning bandligi hamda ijtimoiy holati o‘rganilgan. Natijada 2 milliondan ortig‘i barqaror toifaga kiritilgan, 336 ming nafarining esa bandligini ta’minlash uchun qo‘shimcha dasturlarga ehtiyoji borligi aniqlangan.
28 ming 600 nafar ayol og‘ir hayotiy vaziyatda deb baholangan. Ular orasida ajrim yoqasida turgan, tazyiq va zo‘ravonlikka uchragan, aliment undirishda muammosi bo‘lgan hamda 18 yoshgacha ona bo‘lgan xotin-qizlar bor.
Endilikda xuddi shunday xatlov respublikadagi qolgan 186 ta tuman va shaharda ham o‘tkazilmoqda.