Prezident Nukusning yangilangan koʻchasi boʻylab sayr qildi va aholi bilan muloqot qildi (+foto, video)
Prezident Nukusning yangilangan koʻchalaridan birida sayr qildi va aholi bilan suhbatlashdi. Bir guruh yigitlar gitara joʻrligida qoʻshiq kuylashdi. Bu yerda umumiy uzunligi 2,5 km boʻlgan uchta koʻcha — Garezsizlik, Sabir Kamalov va Gulxan Sheraziyeva koʻchalarining hududlari obodonlashtirildi. Piyodalar yoʻlaklari kengaytirildi, oʻrindiqlar oʻrnatildi, koʻchatlar ekildi.
Prezident Nukusning yangilangan koʻchasi boʻylab sayr qildi va aholi bilan muloqot qildi (+foto, video)
Juma kuni kechqurun Oʻzbekiston prezidenti Shavkat Mirziyoyev Nukusning yangilangan koʻchalaridan birida sayr qildi.
Davlat rahbari matbuot xizmati xabar berishicha, bu yerda umumiy uzunligi 2,5 km boʻlgan uchta markaziy koʻcha — Garezsizlik, Sobir Kamalov va Gulxan Sheraziyeva koʻchalarining hududlari obodonlashtirildi.
Qiymati 2,2 mlrd soʻmlik loyiha doirasida piyodalar uchun qulay muhit yaratildi: keng yoʻlaklar, yoritish tizimi, oʻrindiqlar va chiqindi qutilari paydo boʻldi, koʻchatlar ekildi. Shuningdek, uzunligi 1,5 km boʻlgan drenaj tarmogʻi qaytadan qurildi.
Xabarda qayd etilishicha, ushbu koʻchalarda tadbirkorlik faoliyati faollashdi — yangi doʻkonlar, xizmat koʻrsatish va umumiy ovqatlanish shoxobchalari ochildi, mavjudlari esa oʻz ishini kengaytirdi.
U aholidan yangilangan koʻcha ularga yoqdimi-yoʻqmi, deb soʻradi. Aholi ijobiy javob berdi. Davlat rahbari ularga eng ezgu tilaklarini bildirdi.
«Sizga katta rahmat, muhtaram prezident! Sizni yaxshi koʻramiz!» — deya hayqirdi bir ayol. «Rahmat! Men ham sizni juda yaxshi koʻraman», — deb javob berdi Shavkat Mirziyoyev.
Bir guruh yoshlar gitara joʻrligida Ozodbek Nazarbekovning Vatanga sadoqat haqidagi «Mendirman» qoʻshigʻini ham ijro etishdi. Prezident ularni qarsaklar bilan olqishladi va minnatdorlik bildirdi.