Poʻlat Bobojonov prezidentning kadrlar masalalari boʻyicha maslahatchisi oʻrinbosari lavozimini tark etdi
Poʻlat Bobojonov prezidentning kadrlar masalalari boʻyicha maslahatchisi oʻrinbosari lavozimidan ketdi
Prezident farmoni bilan Poʻlat Bobojonov prezidentning kadrlar masalalari boʻyicha maslahatchisi oʻrinbosari lavozimidan ozod etildi. Uning boshqa ishga oʻtgani xabar qilinmoqda.
Poʻlat Bobojonov 1961 yil 1 yanvarda Xorazm viloyatida tugʻilgan. 1982 yilda Toshkent davlat universitetini tamomlagan, shundan soʻng Xorazm viloyati prokuratura organlarida ish boshlagan.
1992–1999 yillarda Bogʻot tumani hokimining birinchi oʻrinbosari va Xorazm viloyati hokimining oʻrinbosari lavozimlarida ishlagan. 1999 yilda Prezident Administratsiyasiga ishga oʻtgan.
2000–2011 yillarda prokuratura organlarida rahbarlik lavozimlarida, jumladan, Bosh prokuror oʻrinbosari, Bosh prokuratura huzuridagi Departament boshligʻi, shuningdek, Jizzax va Buxoro viloyatlari prokurori lavozimlarida faoliyat yuritgan.
2011 yilda Xorazm viloyati hokimining birinchi oʻrinbosari, 2012 yilda esa viloyat hokimi etib tayinlangan.
Poʻlat Bobojonov 2017 yil sentyabr oyidan buyon Oʻzbekiston ichki ishlar vaziri lavozimida ishlab kelayotgan edi. 2025 yil mart oyida u prezidentning kadrlar masalalari boʻyicha maslahatchisi oʻrinbosari etib tayinlangandi.
Ichki ishlar vaziri lavozimida Bobojonovning oʻrnini muqaddam Toshkent shahar Ichki ishlar bosh boshqarmasiga rahbarlik qilgan Aziz Toshpoʻlatov egalladi.