Ruslanbek Davletov prezident maslatchisi lavozimidan ozod etildi

Ruslanbek Davletov prezident maslahatchisi lavozimidan bo‘shatildi. U 2025-yil iyul oyidan buyon prezidentning vakillik organlari, nodavlat notijorat tashkilotlar va yoshlar masalalari bo‘yicha maslahatchisi sifatida faoliyat yuritgan edi.

Davletov 2017-yil 14-avgustda Adliya vazirligiga rahbar etib tayinlangan, keyinchalik, 2022-yil 15-noyabrda prezidentning ijtimoiy-siyosiy rivojlanish masalalari bo‘yicha maslahatchisi lavozimiga o‘tkazilgan edi.

Prezident farmoniga ko‘ra, Olim Davlatov davlat rahbarining vakillik organlari, nodavlat notijorat tashkilotlar va yoshlar masalalari bo‘yicha maslahatchisi etib tayinlandi.

Olim Davlatov 1976-yilda Surxondaryo viloyatining Sariosiyo tumanida tug‘ilgan. Bungacha u Alisher Navoiy nomidagi xalqaro jamoat fondi direktori lavozimida ishlagan. 2026-yil 28-mayda unga "O‘zbekiston Respublikasida xizmat ko‘rsatgan madaniyat xodimi" faxriy unvoni berilgan.