Peru Eron bilan diplomatik aloqalarni uzdi

Peru Eron bilan diplomatik aloqalarni to‘xtatdi.

Lotin Amerikasi davlati Tashqi ishlar vazirligining bayonotiga ko‘ra, Peru hukumati Eron siyosatini qoralab, mamlakat bilan diplomatik aloqalarni uzishga qaror qildi, deb xabar berdi “RIA Novosti”.

Bayonotda shunday deyiladi: “Peru Respublikasi hukumati tinchlikka bo‘lgan tarixiy sadoqati, xalqaro huquqqa hurmat va demokratiya himoyasidan kelib chiqib, Eron Islom Respublikasi bilan diplomatik munosabatlarni uzishga qaror qildi”.

Tashqi ishlar vazirligi Peruning Eron tomonidan Hormuz bo‘g‘ozida o‘rnatilgan qat’iy cheklovlardan chuqur xavotirda ekanligini ta’kidladi. Peru rasmiylarining fikricha, bu cheklovlar xalqaro savdoga salbiy ta’sir ko‘rsatgan.

Peru, shuningdek, Eronning MAGATE (IAEA/ Atom energiyasi bo‘yicha xalqaro agentlik) faoliyatiga to‘sqinlik qilayotganini qoraladi. Agentlik inspektorlarining yadroviy obyektlarga kirishiga bir necha bor ruxsat berilmagani qayd etildi.

Diplomatik munosabatlar uzilganiga qaramay, Lotin Amerikasi mamlakati Erondagi o‘z fuqarolariga konsullik xizmatlarini ko‘rsatishda davom etishni rejalashtirmoqda. Avvalroq Nikaragua Italiya bilan diplomatik aloqalarini kutilmaganda uzgani haqida xabar berilgandi. Bunga Italiya sobiq bosh vazirining o‘ldirilishiga aloqador shaxsni ekstraditsiya qilish bilan bog‘liq nizo sabab bo‘lgan.