O‘zbekistonliklarning Misrga kirishi bo‘yicha yangi talablar joriy etilmoqda
1-noyabrdan o‘zbekistonliklar Misrga faqat oldindan olingan viza va turoperator orqali kirishi mumkin. 40 yoshgacha bo‘lganlar oilasi va $5000 naqd pul bilan, 40 yoshdan oshganlar esa kamida $3000 mablag‘ bilan safar qilishi shart. Misrda bo‘lish davomida turistik vizani boshqa turdagi vizaga almashtirib bo‘lmaydi.
**O‘zbekiston fuqarolarining Misrga kirishi bo‘yicha yangi talablar joriy etilmoqda**
1-noyabrdan boshlab O‘zbekiston fuqarolarining Misrga kirishi uchun yangilangan tartib kuchga kiradi, deya xabar bermoqda mamlakatning Misrdagi elchixonasi.
Ma’lum qilinishicha, O‘zbekiston fuqarolari Misrga yo‘l olishdan avval kirish vizasini Misrning diplomatik vakolatxonalari orqali oldindan rasmiylashtirishlari kerak.
Shuningdek, turistik safarlar faqat vakolatli turoperatorlar orqali tashkil etiladi.
40 yoshgacha bo‘lgan sayyohlar esa Misrga faqat yaqin oila a’zolari — ota-ona, er-xotin yoki farzandlari — hamrohligida borishi mumkin. Bunda oila safar davomida kamida 5000 dollar miqdorida naqd mablag‘ga ega bo‘lishi shart, deyiladi xabarda.
40 yoshdan katta mustaqil sayohatchilar esa kamida 3000 dollar miqdorida naqd pul mablag‘iga ega bo‘lishlari lozim.
Misrga kirishda quyidagi hujjat va ma’lumotlar taqdim etilishi majburiy:
Misr hududida bo‘lish vaqtida turistik vizani boshqa turdagi vizaga almashtirish bo‘yicha murojaatlar qabul qilinmaydi.
Kerakli hujjatlarni to‘liq taqdim etmagan shaxslar mamlakatga kiritilmasligi va ularni olib kelgan aviakompaniya orqali qaytarilishi mumkin.
O‘zbekistonning Qohiradagi elchixonasi fuqarolardan Misrga safarlarni rejalashtirishda ushbu ma’lumotlarni inobatga olishni so‘radi.