Oʻzbekistonning 2,9 millionga yaqin aholisi «Kredit taqiqi» xizmatini yoqdi
2026 yil 1 oktyabr holatiga koʻra, «Kredit taqiqi» xizmatiga 2 841 475 kishi ulangan. Ulardan 1 656 387 nafari — erkaklar, 1 185 088 nafari — ayollardir.
Oʻzbekistonning 2,9 millionga yaqin aholisi «Kredit taqiqi» xizmatini yoqdi.
Ushbu xizmat fuqarolarga firibgarlardan himoyalanishga yordam beradi: foydalanuvchilar ham onlayn, ham oflayn formatda kredit shartnomalarini rasmiylashtirishga taqiqni mustaqil ravishda yoqishlari yoki oʻchirishlari mumkin.
Xizmatni «KATM» mobil ilovasi orqali «Asosiy menyu» boʻlimida, Kredit byurosi veb-saytidagi shaxsiy kabinet orqali, shuningdek, Yagona interaktiv davlat xizmatlari portali va uning mobil ilovasi orqali yoqish mumkin. Taqiqni Davlat xizmatlari markazlariga yoki «KATM» Kredit byurosiga shaxsan murojaat qilgan holda ham yoqish yoki oʻchirish mumkin.
Xizmat bepul koʻrsatiladi.