Oʻzbekistonda texnogen tusdagi favqulodda vaziyatlardan yetkazilgan zarar uchun kompensatsiya miqdori belgilandi

Oʻzbekistonda texnogen xususiyatli favqulodda vaziyatlar oqibatida yetkazilgan zarar uchun kompensatsiya miqdori belgilandi

Oʻzbekistonda texnogen xususiyatli favqulodda vaziyatlar oqibatida jabrlangan fuqarolarga toʻlovlarni amalga oshirish tartibi tasdiqlandi. Kompensatsiya summasi oqibatlarning ogʻirlik darajasiga bogʻliq boʻladi, mablagʻlar esa aybdor tashkilotlar yoki mansabdor shaxslar tomonidan oʻtkazib beriladi.

Hokimliklar huzurida jabrlanganlarga va halok boʻlganlarning oilalariga toʻlovlar qilish uchun jamgʻarmalar tashkil etiladi.

Yordam miqdori quyidagicha boʻladi:

• halok boʻlganlarning oilalariga — 220 mln soʻmgacha;

• ogʻir jarohat olganlarga — 88 mln soʻmgacha;

• oʻrtacha ogʻirlikdagi jarohat olganlarga — 66 mln soʻmgacha;

• yengil jarohat olganlarga — 44 mln soʻmgacha.