Oʻzbekistonda sudlar zoʻravonlikka oid 2 018 ta ishni koʻrib chiqdi
Yilning birinchi yarmida Oʻzbekiston sudlari xotin-qizlarga nisbatan zoʻravonlik bilan bogʻliq 1 215 ta jinoyat ishi boʻyicha ayblov hukmlarini chiqardi.
Oʻzbekistonda sudlar zoʻravonlikka oid 2 018 ta ishni koʻrib chiqdi
2026 yilning birinchi yarim yilligida Oʻzbekiston sudlari xotin-qizlarga nisbatan zoʻravonlik va tazyiq oʻtkazish bilan bogʻliq 2 018 ta jinoyat ishini koʻrib chiqdi. Oliy sud maʼlumotlariga koʻra, ushbu ishlar boʻyicha 2 480 kishi javobgarlikka tortilgan.
1 215 ta ish boʻyicha 1 624 kishiga nisbatan ayblov hukmlari chiqarilgan.
Sudlanganlarning 84 nafari 18 yoshga toʻlmaganlar, 597 nafari 18 yoshdan 30 yoshgacha, 893 nafari 31 yoshdan 60 yoshgacha va 50 nafari 60 yoshdan oshganlardir. Sudlanganlarning 1 165 nafari ishsizlar boʻlgan.
Yanvar—iyun oylarida zoʻravonlik va tazyiq bilan bogʻliq jinoyat ishlari boʻyicha jabrlanuvchi deb topilgan ayollar soni 2 146 nafarni tashkil etdi.
Ulardan 581 nafari 18 yoshga toʻlmaganlar, 654 nafari 18 yoshdan 30 yoshgacha, 870 nafari 31 yoshdan 60 yoshgacha va 41 nafari 60 yoshdan oshgan ayollardir.
Oliy sud tomonidan taqdim etilgan maʼlumotlar Oʻzbekistonda xotin-qizlarga nisbatan zoʻravonlik va tazyiq oʻtkazish holatlarining umumiy sonini emas, balki birinchi yarim yillikda sudlar tomonidan koʻrib chiqilgan jinoyat ishlari sonini koʻrsatadi.