Oʻzbekistonda shikoyatlardan soʻng xaridorlarga pullar qaytarildi va nosoz tovarlar almashtirib berildi
Raqobatni rivojlantirish qoʻmitasi Oʻzbekistonning otita hududidan kelib tүshgan isteʼmolchilar murojaatlarini hal etishga yordam berdi. Idora aralashuvidan soʻng xaridorlarga chiptalar va tovarlar uchun pullar qaytarildi, nosoz texnika almashtirib berildi va ushlanib qolgan avtomobil yetkazib berildi. Nukusda yangi avtomobil egasining monitori tez orada ishlamay qoldi. «Nukus Avtosavdo» MCHJga qilingan murojaat natija bermadi. Tekshiruvdan soʻng nosoz monitor bepul yangisiga almashtirildi. […] yashovchisi
Oʻzbekistonda shikoyatlardan soʻng xaridorlarga pullar qaytarildi va nosoz tovarlar almashtirib berildi
Raqobat qoʻmitasi Oʻzbekistonning oltita hududidan tushgan isteʼmolchilar murojaatlarini hal etishga yordam berdi. Idora aralashuvidan soʻng xaridorlarga chiptalar va tovarlar uchun pullar qaytarildi, nosoz texnikalar almashtirildi va ushlanib qolgan avtomobil yetkazib berildi.
Nukusda yangi avtomobil egasining monitori tez orada ishlamay qoldi. «Nukus Avtosavdo» MCHJga qilingan murojaat natija bermadi. Tekshiruvdan soʻng nosoz monitor bepul yangisiga almashtirib berildi.
Andijonda yashovchi fuqaro Samarqand — Andijon yoʻnalishi boʻyicha bekor qilingan poyezd chiptalari uchun pullar qaytarilmaganidan shikoyat qildi. Idora aralashuvidan soʻng mablagʻlar uning bank kartasiga qaytarildi.
Buxoro viloyatida mutaxassislar Damas avtomobilidagi nuqsonlarni bartaraf etishga yordam berdilar. Xaridor «Buxoroavtotexxizmat» MCHJga bir necha bor murojaat qilgan, ammo muammo faqat hududiy boshqarma aralashuvidan soʻng hal etildi.
Jizzaxda avtosalon Chery Tiggo 7 Life avtomobilini oʻn kun ichida yetkazib berish vaʼdasini bajarmadi. Boshqarma aralashuvidan soʻng avtomobil xaridorga topshirildi.
Namangan viloyatida quyosh panelining nosoz invertori almashtirildi. Uskuna kafolat muddatida ishdan chiqqan edi. Qonunchilik talablari tushuntirilgandan soʻng AZIZBEK ENERGY kompaniyasi 6 mln soʻmlik yangi invertor taqdim etdi.
Yana bir holat Toshkent viloyatida yuz berdi. Xaridor Idea doʻkonidan muzlatgich sotib olgan, biroq sotuvchi uni almashtirish yoki pulini qaytarishdan bosh tortgan. Tekshiruvdan soʻng shartnoma bekor qilindi va IDEA CONCEPT GROUP kompaniyasi xaridorga 5 mln 129 ming soʻmni qaytardi.
Raqobat qoʻmitasi savdo, transport va xizmat koʻrsatish sohalarida isteʼmolchilar huquqlarini himoya qilish boʻyicha ishlarni davom ettirayotganini maʼlum qildi.