Oʻzbekistonda sentyabr oyida inflyatsiya 0,7 foizni tashkil etdi
2026 yil sentyabr oyida Oʻzbekistonda isteʼmol narxlari oʻrtacha 0,7 foizga oshdi. Bu haqda Milliy statistika qoʻmitasi maʼlum qildi. Yillik inflyatsiya 6,4 foizni tashkil etdi. Bu 2025 yilning sentyabr oyidagi koʻrsatkichdan (oʻshanda u 8 foizni tashkil etgan edi) 1,6 foiz punktiga pastdir. Oziq-ovqat mahsulotlari bir oy davomida oʻrtacha 1 foizga, nooziq-ovqat tovarlari esa 0,3 foizga qimmatlashdi. Narxlar […]
Oʻzbekistonda sentyabr oyida inflyatsiya 0,7 foizni tashkil etdi
2026 yilning sentyabr oyida Oʻzbekistonda isteʼmol narxlari oʻrtacha 0,7 foizga oshdi. Bu haqda Milliy statistika qoʻmitasi maʼlum qildi.
Yillik inflyatsiya 6,4 foizga yetdi. Bu 2025 yilning sentyabr oyidagi koʻrsatkichdan (8%) 1,6 foiz punktiga pastdir.
Bir oy davomida oziq-ovqat mahsulotlari oʻrtacha 1 foizga, nooziq-ovqat tovarlari esa 0,3 foizga qimmatlashdi. Pullik xizmatlar qiymati 0,9 foizga oshdi.
Mahsulotlar orasida eng sezilarli darajada pomidor — 14,2 foizga, bodring — 13,5 foizga, sabzi — 12,4 foizga qimmatlashdi. Shu bilan birga, tsitrus mevalar 12 foizga, uzum esa 5,7 foizga arzonlashdi.
Nooziq-ovqat segmentida AI-95 benzini 4,2 foizga, propan 4,2 foizga qimmatlashdi. Metan narxi oʻzgarishsiz qoldi.
Xizmatlar orasida eng koʻp davlat maktabgacha taʼlim tashkilotlari xizmatlari narxi — 6,8 foizga oshdi. Yuridik xizmatlar 6,6 foizga, davlat oliy oʻquv yurtlarida shartnoma asosida oʻqish esa 6,3 foizga qimmatlashdi.
Indeksni hisoblash uchun mutaxassislar 10 mingdan ortiq savdo va xizmat koʻrsatish shoxobchalarida 2 milliondan ortiq narxlarni roʻyxatga olishdi. Kuzatuv 419 turdagi tovar va 98 turdagi xizmatlarni qamrab oldi.