Oʻzbekistonda korruptsiyaviy xavf-xatarlarni aniqlash va baholash tartibi belgilandi
Oʻzbekistonda korruptsiyaviy xavf-xatarlarni aniqlash va baholash tartibi tasdiqlandi
Davlat organlarida korruptsiyaviy xavf-xatarlarni baholash doirasida axborotning ichki va tashqi manbalarini tahlil qilish tartibi, shuningdek 9 turdagi shubhali omillar belgilandi, ular orasida keng diskretsion vakolatlar, noaniq meʼyorlar, fuqarolar bilan bevosita muloqot, jarayonning asosiy bosqichlari bir shaxsda jamlangani va takroriy murojaatlar bor.
Baholash 4 ta majburiy meʼyor boʻyicha oʻtkaziladi: korruptsiyaviy huquqbuzarliklar statistikasi, murojaatlar va ommaviy axborot vositalaridagi nashrlarning xususiyati, inson omilining taʼsir darajasi bilan jarayonlarning raqamlashtirilganlik darajasi, shuningdek tartib-taomillarning huquqiy tartibga solinishi chuqurligi. Xavf-xatar belgilari oddiy, sezilarli va ogʻir toifalarga boʻlinadi, bunda har bir tasnif statistika, xizmat tekshiruvlari, ichki audit natijalari yoki axborot tizimlari maʼlumotlari bilan qatʼiy tasdiqlanishi kerak.
Korruptsiyaviy xavf-xatarning yakuniy darajasi uch bosqich boʻyicha belgilanadi: past — faqat oddiy belgilar mavjud boʻlganda, oʻrta — ogʻir belgilarsiz bitta sezilarli belgi mavjud boʻlganda, yuqori esa — loaqal bitta ogʻir omil yoki 2 va undan ortiq sezilarli belgilar aniqlanganda qayd etiladi. Korruptsiyaga qarshi kurashish agentligi aniqlangan tahdidlarni kamaytirish va bartaraf etish boʻyicha chora-tadbirlar dasturlarining amalga oshirilishini yarim yilda kamida bir marta monitoring qiladi.