Oʻzbekistonda Koreya kompaniyalari bilan loyihalar ishga tushirildi va boshlandi
Oʻzbekiston Prezidenti Shavkat Mirziyoyev ishtirokidagi Oʻzbekiston-Koreya biznes-forumi doirasida Koreya Respublikasining yetakchi kompaniyalari va moliyaviy institutlari bilan hamkorlikdagi loyihalarni ishga tushirish va qurilishini boshlash marosimi boʻlib oʻtdi. Toshkentda Kimyoviy texnologiyalar markazi oʻz faoliyatini boshladi. Jizzax viloyatida Kia Sonet Prime avtomobillari va kuzov panellari ishlab chiqarish, Fargʻona viloyatida — elektrotexnika mahsulotlari ishlab chiqarish, Namanganda esa […]
Oʻzbekistonda koreyalik sheriklar bilan birgalikda yangi loyihalarni ishga tushirish va qurishni boshlash marosimi boʻlib oʻtdi
Oʻzbekiston Prezidenti Shavkat Mirziyoyev ishtirokidagi Oʻzbekiston-Koreya biznes-forumi doirasida Koreya Respublikasining yetakchi kompaniyalari va moliyaviy institutlari bilan hamkorlikdagi loyihalarni ishga tushirish va qurilishini boshlash marosimi boʻlib oʻtdi.
Toshkentda Kimyoviy texnologiyalar markazi oʻz faoliyatini boshladi. Jizzax viloyatida Kia Sonet Prime avtomobillari va kuzov panellarini ishlab chiqarish, Fargʻona viloyatida elektrotexnika mahsulotlari, Namangan viloyatida esa polimer buyumlar ishlab chiqarish yoʻlga qoʻyildi.
Poytaxtda, shuningdek, Milliy onkologiya markazi, oliy tibbiyot oʻquv yurti hamda robotlar va ularning butlovchi qismlarini ishlab chiqarish korxonasi qurilishi boshlandi.
Yangi loyihalar sanoat, avtomobilsozlik, tibbiyot, taʼlim, robototexnika va yuqori texnologiyali mahsulotlar ishlab chiqarishni qamrab olib, Oʻzbekiston-Koreya investitsiyaviy hamkorligi yoʻnalishlarini kengaytiradi.