Oʻzbekistonda aholi sonini doimiy hisobga olib borish tizimi yaratiladi
Oʻzbekistonda aholi sonini doimiy hisobga olib borish tizimi yaratiladi
Oʻzbekistonda yagona aholi statistika registri shakllantiriladi. Ushbu yangi tizim mamlakat aholisi sonini hisoblab chiqish va dolzarb maʼlumotlarni muntazam ravishda eʼlon qilib borish imkonini beradi.
Bu Oʻzbekiston prezidentining yangi farmonida nazarda tutilgan. Tizimni ishga tushirish aholi va qishloq xoʻjaligini roʻyxatga olish natijalaridan foydalangan holda 2027 yil yakunigacha rejalashtirilgan. Davlat organlarining aholi toʻgʻrisidagi maʼlumotlarni oʻz ichiga olgan maʼlumotlar bazalari oʻzaro muvofiqlashtiriladi va doimiy yangilab borish uchun registrga birlashtiriladi.
Ishga tushirilgunga qadar axborot tizimi Kiberxavfsizlik markazi ekspertizasidan oʻtkaziladi. Registr joriy etilgandan soʻng uning xavfsizligi doimiy nazoratda boʻladi. Tizimga kirish huquqiga faqat vakolatli xodimlar ega boʻladi va ular maʼlumotlardan istisno tariqasida umumlashtirilgan statistikani tayyorlash uchungina foydalanishlari mumkin. Davlat organlari, tashkilotlar va boshqa shaxslar tomonidan individual maʼlumotlardan foydalanish taqiqlanadi.
Parallel ravishda qishloq xoʻjaligining statistik registri shakllantiriladi. Ushbu chora-tadbirlar «Statistikani rivojlantirish – 2030» milliy strategiyasiga kiritilgan boʻlib, u statistika tizimlarini modernizatsiya qilish, xalqaro standartlarga oʻtish va hisobot yukini kamaytirishni ham nazarda tutadi.
, Oʻzbekistonning zamonaviy tarixidagi ilk yalpi roʻyxatga olishning dastlabki natijalariga koʻra, mamlakat aholisi soni 39 million kishidan oshgan.