Oʻzbekiston terma jamoasi regbichisi dopingda qoʻlga tushdi
Oʻzbekiston terma jamoasi regbichisi dopingda qoʻlga tushdi
Regbi boʻyicha Oʻzbekiston terma jamoasi oʻyinchisi Umar Usmonovning doping-probasida taqiqlangan modda aniqlandi. Tahlil Yaponiyadagi yozgi Osiyo oʻyinlari vaqtida olingan.
Bu haqda Milliy antidoping agentligi xabar berdi. Sportchining probasida S1 «Anabolik moddalar» guruhiga kiruvchi drostanolon metaboliti topilgan. U taqiqlangan moddalar roʻyxatiga kiritilgan boʻlib, musobaqalar vaqtida ham, undan tashqari paytda ham foydalanishga yoʻl qoʻyilmaydi.
Ushbu holat boʻyicha tekshiruv davom etmoqda. Milliy antidoping agentligi yakuniy qaror hali qabul qilinmaganini taʼkidladi. Idora surishtiruv yakunlanganidan keyin alohida rasmiy bayonot bilan chiqishga vaʼda berdi.
Shuningdek, Oʻzbekiston terma jamoasi Aichi-Nagoya-2026 Osiyo oʻyinlarini 70 ta medal bilan yakunlab, umumjamoa hisobida beshinchi oʻrinni egallagani qayd etilgan.