Oʻzbekiston milliy jamoasi oʻrtoqlik oʻyinida Suriyani yirik hisobda yengdi
Toshkentda Oʻzbekiston va Suriya milliy jamoalari oʻrtoqlik oʻyinini oʻtkazdi. Bosh murabbiy Fabio Kannavaro shogirdlari 4:1 hisobida gʻalaba qozondi. Husayn Norchayev ikkita gol urdi.
Oʻzbekiston milliy jamoasi oʻrtoqlik uchrashuvida Suriyani yirik hisobda magʻlub etdi
1-oktabr kuni Toshkent shahrida Oʻzbekiston milliy jamoasi Suriya milliy jamoasiga qarshi oʻrtoqlik bahsini oʻtkazdi.
28-daqiqada Sherzod Esanov raqib jarima maydoni ichida toʻpni qoʻlga kiritib, uni darvozaga joyladi.
44-daqiqada Akmal Mozgovoy darvozabon bilan yakkama-yakka chiqib, qulay imkoniyatni golga aylantirdi.
49-daqiqada Husayn Norchayev jarima maydoniga uzatilgan toʻpni boshi bilan aniq darvozaga yoʻlladi. 90-daqiqada u yana bir bor raqib darvozasini ishgʻol qildi.
Soʻnggi soniyalarda Suriya bitta gol urishga erishdi. Himoyachi Muhammad Hakimov toʻpni tasodifan oʻz darvozasiga yoʻllab qoʻydi.
Oʻzbekiston milliy jamoasi FIFA kunlaridan foydalanib uchta oʻrtoqlik oʻyinini oʻtkazadi. Avvalroq, 24-sentabr kuni milliy jamoa Fargʻona shahrida Eronni 3:1 hisobida magʻlub etgan edi.
Endi Oʻzbekiston 6-oktabr kuni safarda Janubiy Koreya mehmoni boʻladi. Uchrashuv Yonʼin shahridagi «Mireu» stadionida boʻlib oʻtadi.
OʻZBEKISTON - SURIA 4:1
Gollar: Sherzod Esanov (28), Akmal Mozgovoy (44), Husayn Norchayev (49, 90) - Muhammad Hakimov (90+3 avtogol)
Oʻzbekiston: Abduvohid Neʼmatov, Abduqodir Husanov (Nurmuhammad Abdugʻaniyev, 86), Behruz Karimov (Hojiakbar Alijonov, 63), Jahongir Oʻrozov (Muhammad Hakimov, 86), Akmal Mozgovoy (Diyor Xolmatov, 78), Odil Hamrobekov (Umarali Rahmonaliyev, 63), Aziz Amonov (Aziz Xolmurodov, 78), Husayn Norchayev, Abbos Fayzullayev (Jasurbek Jaloliddinov, 63), Sherzod Esanov, Mahmud Mahamadjonov.
Suriya: Elias Hadaya, Ahmad Faqa, Ayham Hanz Usu, Abdulloh ash-Shomiy (Xolid Kurdoʻgʻli, 58), Jan Yahyo Mustafo (Mahmud al-Mavos, 58), Mahmud al-Asvad (Elmar Abraham, 46), Muhammad Usmon (Visom Duxon, 88), Ahmad Yosin ad-Daliy (Zakariyo Hannon, 46), Yohannes Danho (Abdurrazzoq al-Muhammad, 58), Nuh Leon (Umar as-Soma, 58), Alouddin Yosin ad-Daliy (Muhammad al-Halloq, 46)
Ogohlantirishlar: Mahmud al-Asvad (11), Mahmud Mahamadjonov (77)