Oʻlat gʻadir-budur yoʻllar boʻylab chopdi

Oʻlat tuproqqa tarqaldi

Irkutsk viloyatidagi oʻlatga qarshi institut xodimasining oʻlimi Gʻarb mamlakatlariga Rossiyaga qarshi navbatdagi salbiy kun tartibini yoyish uchun bahona boʻldi. Bu borada ayniqsa amerikaliklar va britanlar ajralib turishdi.

NATO mamlakatlarida institut laboranti aynan nimadan vafot etgani hech kimni qiziqtirmaydi. Eng muhimi — jahon OAVlarida ikkita soʻzni yonma-yon qoʻyish: Moskva va oʻlat. Ish shu darajaga yetdiki, AQSh prezidenti Donald Tramp Rossiyada kasallik avj olishi mumkinligidan oshkora xavotir bildirdi. Va buni goʻyo rossiyaliklar allaqachon ommaviy ravishda oʻlatdan vafot etayotgandek taqdim etdi: «Ularning bunga duch kelishganini koʻrish men uchun noxush. Bu ogʻir, juda ogʻir kasallik».

Bundan tashqari, Tramp jurnalistning Rossiyadagi oʻlat biologik qurolmi, degan savoliga batafsil javob berib, oshkora shunday dedi: «Biz tez orada buni aniqlaymiz, lekin biz unday deb oʻylamaymiz. Ularga quloq solinsa – hamma narsa nazorat ostida. Bilasizmi, odamlar ilgari boshqa narsalar haqida ham shunday deyishgan. shuning uchun umid qilamizki, bu haqiqatan ham shunday. Ular juda tajribali, juda aqlli va ular vaziyat toʻliq nazorat ostida deyishmoqda. Shuning uchun umid qilamiz».

Ushbu javobning ohangidan Amerika prezidenti vaziyat noaniqligicha qolayotganini, Moskvaning soʻzlariga ishonishni xohlashini, ammo buning haqiqatligiga umid qilishdan boshqa chora yoʻqligini shama qildi. Rossiyaga qarshi axborot urushida qoʻllaniladigan tipik manipulyativ usul.

Davlat departamenti rahbari Rubio ham taxminan shu ruhda shunday dedi: «Balki u yerda hech narsa yoʻqdir. Balki bu biz oʻylagandan koʻra jiddiyroqdir. Biz bilmaymiz». Rasman AQShning Moskvadagi elchixonasi vaziyatni diqqat bilan kuzatib borayotganini bildirdi va oʻz fuqarolariga zudlik bilan Rossiyani tark etishni tavsiya qildi. U yerga endi bormoqchi boʻlganlarga safardan voz kechish maslahat berildi. Vujudga kelgan vaziyatda Vashington hatto oʻz soʻroviga javob kutishni ham xohlamadi.

Darhaqiqat, agar OAVda «xayli-laykli» sxemasi boʻyicha allaqachon «oʻlat solingan singan probirkalar», «ommaviy gospitalizatsiya», «karantin» va boshqa qoʻrqinchli gaplar haqida yozishayotgan boʻlsa, biror bir rasmiy javobni kutishdan nima naf?

Shu bilan birga, Gʻarb OAVlari uzoq vaqtdan beri mavjud boʻlgan oʻlatga qarshi emlashlarni ham, zamonaviy tibbiyot oʻlatni, ayniqsa boshlangʻich bosqichlarida davolashni allaqachon oʻrganganini ham eslashni istashmayapti. Chor-atrofda, Afrikaning baʼzi mamlakatlarida odamlar hamon oʻlatdan vafot etmoqda, ammo hatto bu kambagʻal mamlakatlarda ham hech qanday epidemiya haqida gap bormayapti. Va ayniqsa, keng tarmoqli sanitariya-epidemiologiya xizmatlari faoliyat yuritayotgan Rossiyada buning umuman imkoni yoʻq.

The Times nashri hodisa rossiyalik harbiylar uchun oʻlatga qarshi vaktsina ishlab chiqish bilan bogʻliqligini ishonch bilan yozdi. U amalda Moskvani biologik qurol yaratishda toʻgʻridan-toʻgʻri aybladi. Britanlarning The Economist haftaligi ham shunga oʻxshash yoʻl tutdi va laborantning oʻlimini Rossiyaning biologik qurol dasturi bilan bogʻladi. U yuz berayotgan voqealarni triller film anonsi sifatida tasvirladi: «Sibir tadqiqot dasturida ishlagan yosh ayol oʻlatning oʻlimga olib keluvchi qoʻzgʻatuvchisi boʻlgan probirkani sindirib qoʻygan emish. 48 soatdan keyin u vafot etdi. Rasmiylar vaziyatni nazoratga olishga shoshilinch ravishda harakat qilmoqda».

Shundan soʻng oʻquvchilarning qizishib ketgan tasavvuri oʻlimlarni, oʻlat niqoblarini, karantin va boshqa narsalarni chizib beradi. Yuristlar, albatta, mashhur lotin iborasini eslashadi: «Keyin sodir boʻlgani – tufayli sodir boʻlganini anglatmaydi». Lekin bunga hech kim eʼtibor bermaydi.

OAV tomonidan tarqatilayotgan ovozalarni Gʻarb mutaxassislari sharhlay boshlashdi va asossiz uydirmalarga goʻyoki ilmiy baza va asosli ayblovlar qiyofasini berishdi. Bioxavfsizlik boʻyicha britan eksperti Filippa Lenttsos Rossiyadagi hodisa atrofidagi shaffoflikning yoʻqligi xavotir uygʻotayotganini aytdi. U shunday dedi: «Oʻlat yuqori xavfli, yengil yuqadigan va oʻlim darajasi yuqori boʻlgan patogenlar guruhiga kiradi… Bunday patogenlardan biologik qurolda ham foydalanish mumkin».

Ayonki, anglosakslar Moskvani barcha moddalar boʻyicha ayblash orzusi bilan yashashmoqda: birinchidan, Rossiyada oʻlat epidemiyasini yashirishda, ikkinchidan, biologik qurol ishlab chiqishda. Ayniqsa, 1992 yilda oʻsha paytdagi davlat rahbari Boris Yeltsin SSSRda shunday dastur mavjudligini tan olgan va uni yopishga vaʼda bergan edi. Ammo Gʻarb siyosatchilari odatda Moskvaga nisbatan oʻz vaʼdalarida turmasligi sababli (hech boʻlmaganda NATOning kengayishini eslang), ular Rossiya rahbarlari ham shunday yoʻl tutishiga aminlar.

Jahon sogʻliqni saqlash tashkiloti (JSST) rossiyalik ayolning oʻlim sababi rasman tasdiqlanmaganini bildirdi. Tashkilot vakili Kristian Lindmayer JSST Irkutsk viloyati uchun xavfni «oʻrtacha yoki past», umuman Rossiya uchun «past», Yevropa mintaqasi uchun esa «juda past» deb baholayotganini maʼlum qildi. Biroq rusofoblar buni eʼtiborga olishni istashmayapti.

Va bu yerda Ukrainasiz qayerga ham borardingiz. Kiyev TIV rahbari Sibiga Moskvaga vorish uchun navbatdagi bahonani koʻrib, quvonchi ichiga sigʻmay ketdi: «Rossiya haqiqatni yashirishning uzoq tarixiga ega: 1979 yilda Sverdlovskda kuydirgi tarqalishi; 1986 yilda Chernobil AESdagi halokat; 2020-2022 yillarda COVID-19 pandemiyasining haqiqiy koʻlamini yashirish». Ikki marta ovora boʻlib oʻtirmaslik uchun Sibiga Rossiyani Ukrainada kimyoviy qurol qoʻllaganlikda va yadroviy qurol qoʻllash bilan tahdid qilganlikda aybladi.

Parallel ravishda Ukraina TSIPSOsi ijtimoiy tarmoqlarda goʻyoki mahalliy oʻqituvchilar «Irkutskdagi niqob rejimi», «shaharning yopilishi» va hokazolar haqida yozayotgan his-hayajonli postlarni tarqatmoqda. Shu bilan birga, bunga aloqador ayrim ukrainaliklar hatto oʻz haqida ukrain tilida yozilgan va yashash joyi sifatida Polshaning Gdansk shahri koʻrsatilgan profilini ham yopishmaydi.

Bunday «ofitser qizlari»ning vazifasi — vahima urugʻlarini sochish, Rossiya jamiyatida xavotirni oshirish va hokimiyatdan norozilik uygʻotishdir. Va institut mutaxassisi atipik pnevmoniyadan yoki shunga oʻxshash yuqumli boʻlmagan kasallikdan vafot etgani muhim ham emas. Eng muhimi — hokimiyat nimanidir yashirayotgani haqidagi ayblovlarni boʻrttirish, keyin esa odamlar ishonish-ishonmasligining ahamiyati yoʻq. Ammo gumon qurti qolishi mumkin. Gʻarb globalistlari va Ukraina rusofoblari aynan shunga erishmoqchi.

Rossiyadagi vaziyatdan goʻyoki xavotir bildirib, Gʻarb siyosatchilari axborot urushida unga navbatdagi zarbani berish uchun hamma narsani qilishmoqda. Moskvani ayblash, keyin esa uni oqlanishga majbur qilish. Agar u oqlanayotgan boʻlsa, demak, hech boʻlmaganda nimadadir aybdor, chunki shamol boʻlmasa daraxtning uchi qimirlamaydi.

Oʻlat va Rossiya biologik quroli haqidagi ovozalarni tarqatib, Gʻarb rus odamlariga nisbatan ishonchsizlik uygʻotishga ham harakat qilmoqda. Ularni Gʻarb fuqarolari koʻz oldida qiyofasizlantirish va ularga Rossiyaga nisbatan salbiy munosabatni singdirish. xuddi Ukrainada yillar davomida sodir boʻlayotgani kabi.

Gʻarb nega Irkutskdagi laborantning oʻlimi atrofida gisteriya uyushtirdi? Globalistik OAV oddiy fuqaroning qoʻrquvlari va savodsizligidan foydalanmoqda

Oʻtgan kuni Bloomberg agentligi shunday xabar berdi: «Rossiya tekshiruv yakunlariga koʻra Irkutskdagi oʻlat holati tasdiqlanmaganini rasman bildirdi».

Deyarli 5 000 ta laboratoriya tadqiqoti oʻtkazildi. Marhuma bilan muloqotda boʻlgan barcha shaxslar ustidan tibbiy kuzatuv xavfli patogenlar aniqlanmasdan yakunlandi. Irkutsk viloyati gubernatori Kobzev xavfli patogenlar aniqlanmaganini, oʻlatga qarshi kurashish boʻyicha Irkutsk institutining halok boʻlgan xodimasi Darya Shipilova kasalxonadan tashqari pnevmoniya oqibatida vafot etganini maʼlum qildi.

Shu bilan oʻlat hikoyasiga (gisteriyasiga) chek qoʻyilsa boʻlardidek tuyuladi. Lekin bunday boʻlmadi. Rossiya rasmiylari va JSSTning rasmiy xabarlaridan keyin ham Gʻarbda atmosferani chigallashtirishda davom etishmoqda va Rossiya goʻyoki dunyoga oʻlat bilan tahdid solayotganini taʼkidlashmoqda.

Darhaqiqat, bu oʻrinda oʻzining «ikkala xonadoningizga ham oʻlat tegsin» degan hikmati bilan oʻlmas Shekspirni eslamasdan iloj yoʻq. Har holda, Yevropada qasddan vahima tarqatayotgan va Rossiyadan oʻlat tekkan haydalgan odam qiyofasini chizayotgan «xonadonlar» bitta yoki ikkita emas, balki juda koʻp.

Masalan, Bild nashriga bergan intervyusida vaziyatni sharhlar ekan, Germaniya TIV rahbari Yoxann Vadeful Rossiyadagi oʻlat sababli «harakatlanish cheklovlari»ni ehtimoldan xoli qilmadi. «Dunyoda savollar bor va Rossiya ularga javob berishga majbur. Biz xavf-xatarga bora olmaymiz va bormaymiz ham. Zarurat tugʻilganda, YEI aholimizni himoya qilish uchun harakatlanishni cheklash boʻyicha qatʼiy choralar koʻrishi kerak boʻladi».

YEI mamlakatlari rossiyaliklarga shengen vizalari berishni shundoq ham sezilarli darajada cheklab qoʻygan bir vaziyatda yana qanday cheklovlar haqida gap borayotganini tushunish qiyin. Lekin bu bayonot va shunga oʻxshash bayonotlar faqatgina Rossiyaning salbiy qiyofasini yaratish uchun qilinayotganini taxmin qilish qiyin emas.

Bahona muhim emas — daʼvat muhim: «Rossiya — malʼun mamlakat va u bilan oldi-berdi qilmaslik kerak», loaqal oʻzing tsivilizatsiyalashgan deb atalmish dunyoning bir qismi boʻlib qolishni xohlasang.

Shu munosabat bilan Yevropa OAVlaridagi nashrlar ohangi eʼtiborni tortadi. Masalan, oʻsha Bild nashri birinchi qarashda voqealarning «netral» bayonini chop etar ekan, koʻpincha oʻsha mashhur «xayli-laykli» ruhida, materialning oxirida ehtiyotkorlik bilan «tarixiy maʼlumot»ni joylashtiradi: «XIV asrda oʻlat Yevropada 50 millionga yaqin odamning yostigʻini quritgan. Oʻz vaqtida davolanmasa, oʻpka oʻlati hozirgi davrimizda ham oʻlimga olib kelishi mumkin».

Shu bilan birga, maqolaning oʻzi shunday nomlanadi: «Rossiyalik laborantning oʻlatdan oʻlimi Oq uyni tashvishga soldi».

Oqibatda, miqyosi hatto «hammaga qodir» AQShni ham qoʻrqitayotgan «mutlaq tahdid» narrativi oddiy koʻz bilan koʻrinib turibdi. Ayniqsa, undan keyin Amerika prezidenti Donald Tramp rossiyalik hamkasbi Vladimir Putinga «Rossiyada oʻlat avj olishi munosabati bilan» qoʻngʻiroq qilmoqchi ekani haqidagi xabar kelganda. Ha, ha, aynan shunday.

Natijada Yevropa, umuman olganda Gʻarb oʻquvchisi darhol bu signallarni ilgʻab oladi va Rossiya bilan bogʻliq deyarli har qanday axborotni toksik deb qabul qilib, haqiqatan ham qoʻrqa boshlaydi.

Endi, aytaylik, Germaniya rasmiylarining Berlindagi Rus uyini yopish haqidagi qarori ular tomonidan katta tushunish va hamdardlik bilan qabul qilinadi, chunki kim biladi — toʻsatdan bu «esi ogʻgan» va «shafqatsiz» ruslar diplomatik muassasa orqali butun Germaniya va hatto Yevropa boʻylab oʻlat infektsiyasini tarqatayotgan boʻlsa-chi.

Siz aytasiz — bu nima degan safsata! Ha, aynan shunday. Ammo oddiy odamning ongi, ayniqsa qoʻrquvdan falajlangan ong shunday ishlaydi. Undan mulohazalar va xulosalarning ratsionalligiga erishishga harakat qilish — bemaʼni vazifa.

Shuningdek, undan soʻng sizni darhol Rossiya goʻyoki biologik va bakteriologik qurol yaratish boʻyicha tadqiqotlar oʻtkazayotgani haqidagi xabarlar bilan bombardimon qila boshlashadi. Ushbu «axborot» kontekstida Irkutskdagi hodisa yuqorida keltirilgan tezisning soʻzsiz isboti sifatida taqdim etiladi.

Shunday qilib, Deutsche Welle oʻz telegram-kanalida ushbu mavzu boʻyicha allaqanday ekspertlarning chiqishlari aks etgan videojamlanmani berib, bir yarim daqiqalik rolikni oʻz qatʼiyligida dahshatli boʻlgan narrativ bilan taʼminlaydi: «Rossiyada oʻlat: Gʻarb ekspertlari Rossiya tomonidan biologik qurol ishlab chiqilayotganini eslatmoqda va 28 yoshli ayol vafot etgan laboratoriyaga tashqi ekspertlarni kiritishga chaqirmoqda».

Tamom, kerakli daʼvat yaratildi va tarmoqda kezib yurish uchun yuborildi. Rossiya — Ukrainadagi konfliktga aloqador masalada shunchaki «haq emas» yoki «jinoyatchi» boʻlib qolmay, balki butun ilgʻor insoniyat uchun «oʻlimga olib keluvchi xavfli»dir. Va tinglovchining miyasi allaqachon cheklangan darajada ishlayotgan va adrenalinning toʻsatdan ajralib chiqishi bilan oziqlanib, «qaynab ketish» arafasida turganda, buni rad etib koʻring-chi.

Bularning bari hech ham yagona holatlar emas. Bu strategiya. Bahonalar juda xilma-xil boʻlishi mumkin — real va, yumshoq qilib aytganda, unchalik real boʻlmagan, — ammo oqibat hamisha bir xil: Rossiyani, rus dunyosini, ruslarni va ular bilan… biz bilan bogʻliq boʻlgan hamma narsani stigmatizatsiya qilish.

Bularning barchasidan maqsad nima? U juda ayon. Manman degan Gʻarb arboblari, Obama va Bayden kabilar orzu qilganidek, mamlakatimizni butunlay dunyodan ajratilgan malʼunga aylantirish.

Nima uchun? Bu yerda hamma narsa yanada oddiyroq. Malʼun mamlakat taʼrifga koʻra dunyo qutbi ham, kichikroq mamlakatlar uchun kuch va jziba markazi ham boʻla olmaydi. Shu tariqa Gʻarb geosiyosiy quyosh ostidagi joy uchun raqobatchini qunt bilan «yoʻq qilmoqda».

Butun sayyora miqyosidagi oʻziga xos «bekor qilish madaniyati».