Noyabr iliq boşlanadi, keyin soviydi: qor ham yoğişi mumkin
Özbekistonda noyabrning birinçi ön kunligi nisbatan iliq bölib, kunduzgi harorat asosan 17–22 darajani taşkil etişi kutilmoqda. Oyning keyingi qismida havo soviydi, ayrim kunlari yomğir qisqa muddatga qorga aylanişi ham mumkin.
Noyabr iliq boshlanadi, so‘ng soviydi: qor ham yog‘ishi mumkin
E’lon qilingan oylik prognozga ko‘ra, 2026-yil noyabrda o‘rtacha havo harorati iqlim me’yori atrofida, ayrim joylarda esa undan 1–1,5 daraja yuqori bo‘ladi.
Birinchi o‘n kunlikda havo iliq bo‘ladi
Oyning dastlabki o‘n kunligida harorat asosan shunday bo‘lishi kutilmoqda: kechalari 5–10 daraja iliq, kunduzlari 17–22 daraja iliq.
Ikkinchi va uchinchi o‘n kunliklarda harorat foni pasayadi. Kechalari harorat 3–8 daraja iliqdan 2 daraja sovuq - 3 daraja iliqqacha, kunduzlari esa 15–20 daraja iliqdan 5–10 daraja iliqqacha o‘zgarib turadi.
Qor yog‘ishi ham istisno etilmayapti
Noyabrning ayrim kunlarida asosan yomg‘ir ko‘rinishida yog‘ingarchilik bo‘lishi mumkin. Havo sovigan davrlarda yomg‘irning qisqa muddatga qorga aylanishi ham istisno qilinmagan.
Oylik yog‘ingarchilik miqdori me’yor atrofida, ba’zi joylarda esa me’yordan kam bo‘lishi prognoz qilinmoqda.
Ko‘p yillik iqlim ma’lumotlariga ko‘ra, noyabrda o‘rtacha havo harorati oktyabrga nisbatan 6–7 daraja, shimol va cho‘l hududlarida esa 8–9 daraja past bo‘ladi. Shimoldan va shimoli-g‘arbdan sovuq havo kirib kelishi kuchayib, iliq davrlar keskin sovishlar bilan almashishi mumkin.
Kuzatuvlar tarixida 2023-yil noyabri O‘zbekistondagi eng iliq noyabr bo‘lgan. O‘shanda o‘rtacha oylik harorat iqlim me’yoridan 3–6 daraja yuqori qayd etilgan.
2011-yil noyabri esa mamlakatning katta qismida rekord darajada seryog‘in kelgan. Masalan, Toshkentda oylik me’yor 51 millimetr bo‘lgan holda, 167 millimetr yog‘ingarchilik kuzatilgan.
Bu tarixiy ko‘rsatkichlar noyabr ob-havosining o‘zgaruvchanligini aks ettiradi; joriy yil uchun prognozda esa haroratning me’yor atrofida yoki biroz yuqori bo‘lishi kutilmoqda.