Nike qo‘lni ishlatmasdan kiyish mumkin bo‘lgan krossovkalarini taqdim etdi

Nike qo‘l ishlatmasdan kiyiladigan krossovkalarini namoyish qildi

Nike qo‘l ishlatmasdan kiyish mumkin bo‘lgan 24.7 krossovkalarini taqdim etdi. Modelda bog‘ichlar bor, biroq ular doim bir xil holatda mahkamlangan bo‘ladi. Krossovkalar sport mashg‘ulotlari uchun emas, balki kun davomida qulay kiyib yurish uchun ishlab chiqilgan. Bu holat uning nomida ham aks etgan.

Ustki qismi tabiiy va sun’iy teridan tayyorlangan, ichki tomonida esa choklarsiz yumshoq trikotaj astar qo‘llangan. Qalin taglikdagi ko‘p qatlamli ko‘pik notekis joylarda yurishni yengillashtirib, oyoqqa qulaylik beradi.

Shu bois uning ko‘rinishidan ham yumshoqligi sezilib turadi. Material oyoqni o‘rab oladi, poshna qismi esa har safar kiyilgandan keyin o‘zining dastlabki holatiga qaytadi. Ta’kidlanishicha, krossovkani qo‘l ishlatmasdan kiyish uning shakliga zarar yetkazmaydi.

“Tiklanadigan” 24.7 krossovkalari qaymoqrang va qora ranglarda ishlab chiqarilgan. Model Nike saytida ayollar va erkaklar o‘lchamlarida sotuvga chiqarilgan bo‘lib, narxi 140 dollarni tashkil etadi.