Koko Shanelning 100 yildan keyin ham o‘z ahamiyatini yo‘qotmagan 9 ta qoidasi
Koko Shanelning 100 yildan keyin ham dolzarbligini yo‘qotmagan 9 ta uslub qoidasi
Koko Shanel nafaqat iste’dodli modelyer, balki uslubni nozik his qiluvchi ijodkor ham bo‘lgan. Uning moda borasidagi tavsiyalari oradan bir asr o‘tgan bo‘lsa-da, bugungi kunda ham o‘z ahamiyatini yo‘qotmagan.
**1. Aksessuarlar haqida qoida**
Uydan chiqishdan oldin oxirgi taqqan aksessuaringizni yechib qo‘ying. Aksessuarlar obraz uchun muhim bo‘lsa-da, ularning haddan tashqari ko‘pligi umumiy ko‘rinishni buzishi mumkin. Kamroq, ammo sifatliroq tamoyiliga amal qiling.
**2. Me’yorni saqlash qoidasi**
Barcha moda trendlarini ketma-ket xarid qilish shart emas. Ikki-uchta sifatli bazaviy kiyim to‘plami va ularga mos turli aksessuarlarning o‘zi kifoya. Asosiy kiyimlar esa benuqson sifatli bo‘lishi kerak.
**3. Soddalik hamisha qadrlanadi qoidasi**
Nafislik — klassik bichim, sokin ranglar, qulay poyabzal va aniq shakllarda namoyon bo‘ladi. Juda yorqin ranglar va ortiqcha bezaklardan qochish kerak.
**4. Qimmatbaho taqinchoqlarni o‘rnida taqing qoidasi**
Ularni bunday bezaklar qadrlanadigan nufuzli tadbirlarga saqlab qo‘ygan ma’qul. Kundalik hayotda esa ularsiz ham chiroyli ko‘rinish mumkin.
**5. O‘ziga xoslikda ehtiyotkor bo‘ling qoidasi**
Barcha trendlarni bir vaqtning o‘zida kiyish shart emas. Agar biror kiyim xarakteringiz va uslubingizga mos kelmasa, uni xarid qilmagan ma’qul.
**6. Eng yaxshi ranglar qora va oq qoidasi**
Shanel ayniqsa qora rangni yaxshi ko‘rgan va undan ham to‘qroq rang topilmaguncha qora kiyishga tayyorligini aytgan.
**7. Yosh muhim mezon emas qoidasi**
Ayol o‘ziga yarashadigan kiyimlarni tanlasa, har qanday yoshda ham chiroyli ko‘rinishi mumkin. Kiyim yoki pardoz yordamida yosh ko‘rinishga haddan tashqari urinish esa aksincha, nojo‘ya taassurot qoldiradi.
**8. Poyabzal qulay va nafis bo‘lishi kerak qoidasi**
Shanel yaratgan ikki rangli tuflilar klassikaga aylangan. Ular oyoqlarni vizual ravishda uzunroq ko‘rsatadi va shu bilan birga qulaylikni ta’minlaydi.
**9. Qulaylik hammasidan ustun qoidasi**
Kiyim inson uchun yaratilishi kerak, aksincha emas. Agar libosda bemalol harakatlanish yoki nafas olishning iloji bo‘lmasa, u qanchalik qimmat bo‘lmasin, noto‘g‘ri tanlov.
Eng muhimi, o‘zingizni go‘zal ekaningizni unutmang. Kiyim, poyabzal va obrazlarni o‘zingizga yoqadigan hamda qulay bo‘ladigan tarzda tanlang. Zero insonni eng ko‘p bezaydigan narsa — o‘ziga bo‘lgan ishonch.