«Mikrokreditbank» ATB aksiyadorlarining navbatdan tashqari umumiy yig‘ilishi o‘tkaziladi

«Mikrokreditbank» ATB aksiyadorlarining navbatdan tashqari umumiy yig‘ilishi bo‘lib o‘tadi.

«Mikrokreditbank» aksiyadorlik-tijorat banki Kuzatuv kengashi ma’lum qilishicha, Aksiyadorlarning navbatdan tashqari umumiy yig‘ilishi 2026-yil 18-sentyabr kuni soat 10:00 da boshlanadi. Yig‘ilish Toshkent shahri, Amir Temur shox ko‘chasi, 4-uy manzilida joylashgan «Mikrokreditbank» ATB majlislar zalida bevosita hamda «E-Vote» elektron ovoz berish platformasi orqali masofadan turib o‘tkaziladi.

«Mikrokreditbank» ATB Kuzatuv kengashining 2026-yil 22-avgustdagi majlisi qaroriga ko‘ra, Aksiyadorlarning navbatdan tashqari umumiy yig‘ilishida ishtirok etish huquqiga ega bo‘lgan aksiyadorlar reyestri 2026-yil 14-sentyabr holatiga shakllantiriladi. Shuningdek, aksiyadorlarga yig‘ilish o‘tkazilishi haqida xabar berish uchun aksiyadorlar reyestri 2026-yil 22-avgust holatiga tuziladi.

Aksiyadorlarni ro‘yxatga olish 2026-yil 18-sentyabr kuni soat 9:00 dan 10:00 gacha amalga oshiriladi.

Aksiyadorlar umumiy yig‘ilishda shaxsini tasdiqlovchi hujjat va yozma shakldagi ishonchnoma asosida qatnashishlari mumkin. Yuridik shaxs nomidan berilgan ishonchnoma qonunchilikda belgilangan tartibda, jismoniy shaxs nomidan berilgan ishonchnoma esa notarial tasdiqlangan bo‘lishi shart.

Aksiyadorlarning umumiy yig‘ilishida axborot-kommunikatsiya texnologiyalaridan foydalangan holda masofadan turib ishtirok etish va ovoz berish «E-Vote» elektron ovoz berish platformasida amalga oshiriladi. Bu jarayon «Xo‘jalik jamiyatlari boshqaruv organlarining yig‘ilishlarida axborot-kommunikatsiya texnologiyalaridan foydalangan holda masofadan turib ishtirok etish va ovoz berish tartibi to‘g‘risida»gi Nizom (ro‘yxat raqami 3613, 2025-yil 24-mart) va «Qimmatli qog‘ozlar Markaziy depozitariysi tomonidan E-Vote elektron ovoz berish xizmatidan foydalanish bo‘yicha xizmatlar ko‘rsatish Qoidalari»ga muvofiq o‘tkaziladi.

Yig‘ilish o‘tkazish bo‘yicha qo‘shimcha ma’lumotlar va unda ko‘riladigan masalalarning materiallari bilan yuqorida ko‘rsatilgan manzilga va quyidagi telefon raqamlariga murojaat qilish orqali, shuningdek, Bankning korporativ veb-sayti va «E-Vote» elektron ovoz berish platformasi orqali tanishish mumkin.