Maxsus komissiya reydlarni davom ettirmoqda
Ayni damda Ekologiya va iqlim o‘zgarishi milliy qo‘mitasi va hududiy bosh boshqarmalar Ekopolitsiya xodimlari tomonidan
Maxsus komissiya reydlarni davom ettirmoqda
Hozirda Ekologiya va iqlim o‘zgarishi milliy qo‘mitasi hamda hududiy bosh boshqarmalar Ekopolitsiya xodimlari tomonidan atmosfera havosi sifatini yaxshilashga qaratilgan reydlar davom ettirilmoqda.
Jumladan, Toshkent viloyati Ekologiya bosh boshqarmasi Ekopolitsiya xodimlari navbatdagi tungi reyd tadbirlarini o‘tkazdi. Reyd chog‘ida Toshkent tumani hududida joylashgan issiqxonalardan biri hech qanday ekologik talablarga amal qilmasdan ko‘mir yoqib, atmosferani ifloslantirayotgani aniqlandi. Mazkur holat bo‘yicha qonunda belgilangan tartibda chora ko‘rildi va u bartaraf etildi.
Ma’lumot uchun, 23–24 oktyabr kunlari Toshkent viloyatidagi 46 ta hamda Toshkent shahridagi 16 ta issiqxona o‘rganildi. Tekshiruv davomida «Hasanboy» mahallasidagi issiqxonalardan birida chang-gaz tozalash uskunalarisiz ko‘mir yoqish holati aniqlanib, huquqbuzarga jarima qo‘llanildi va issiqxona faoliyati to‘xtatildi.
Reyd tadbirlari davom ettirilmoqda.