Margʻilonda 17-19 sentyabr kunlari «Atlas va adras» festivali boʻlib oʻtadi
Margʻilonda 2026 yilning 17–19 sentyabr kunlari anʼanaviy ipak matolar va hunarmandchilik merosini tarannum etuvchi «Margʻilon atlasi va adrasi» festivali boʻlib oʻtadi.
Margʻilon 17-19 sentyabr kunlari Atlas va adras festivaliga mezbonlik qiladi
2026 yilning 17–19 sentyabr kunlari Margʻilon shahrida milliy hunarmandchilik hamda anʼanaviy ipak matolar — atlas va adrasga bagʻishlangan Margʻilon atlas va adras festivali boʻlib oʻtadi.
Uch kunlik festival «Fargʻona vodiysining durdonasi» deb taʼriflanuvchi Burhoniddin Margʻinoniy ilmiy-maʼrifiy va turistik majmuasida tashkil etiladi. Mehmonlar Margʻilonning madaniy merosi, milliy hunarmandchilik anʼanalari hamda ipakchilik va toʻqimachilik sohasidagi koʻp asrlik tajribasi bilan tanishish imkoniyatiga ega boʻladilar.
Festival dasturidan anʼanaviy atlas va adras matolari namunalari namoyishi, milliy liboslar koʻrgazmasi hamda anʼanaviy hunarmandchilikka bagʻishlangan taqdimotlar oʻrin olgan. Tadbir doirasida, shuningdek, Margʻilonning madaniy merosini targʻib qilishga qaratilgan faoliyatlar ham tashkil etiladi.
Margʻilonda toʻqilgan atlas va adras milliy toʻqimachilik sanʼatining muhim qismi hamda oʻzbek xalqining anʼanalari va madaniy merosini aks ettiruvchi oʻziga xos hunarmandchilik namunalari hisoblanadi.
Tashkilotchilarning soʻzlariga koʻra, festival milliy qadriyatlarni asrab-avaylash, anʼanaviy hunarmandchilikni ragʻbatlantirish va Margʻilonning turistik salohiyatini kengaytirishga xizmat qilishi koʻzda tutilgan. Milliy sanʼat, hunarmandchilik va madaniy koʻrgazmalarni oʻzida mujassam etgan ushbu tadbirga keng jamoatchilik va xalqaro mehmonlar taklif etilgan.