«Looksmaxxing» inflyuyenseri Clavicular zoʻrlash ayblovi boʻyicha oʻzini aybdor emas deb tan oldi
Haqiqiy ismi Breyden Piters boʻlgan inflyuyenser 2025 yilda 17 yoshli qizga nisbatan jinsiy zoʻravonlik qilganlikda ayblanmoqda.
«Looksmaxxing» inflyuenseri Clavicular zoʻrlash ayblovini tan olmadi
Oʻz jozibadorligini maksimal darajada oshirishga intilayotgan yosh yigitlar orasida «looksmaxxing» trendini targʻib qiluvchi ijtimoiy tarmoq inflyuenseri Clavicular zoʻrlashni oʻz ichiga olgan jinoiy ayblovlar boʻyicha oʻzini aybdor emas deb tan oldi.
Haqiqiy ismi Breyden Piters boʻlgan 20 yoshli yigitga sentyabr oyida ogʻir jinoyat hisoblangan zoʻrlash, jinsiy aloqa qilish maqsadida shaxsga giyohvand modda berish va 21 yoshga toʻlmagan shaxsga spirtli ichimlik yetkazib berish boʻyicha ayblov qoʻyilgan edi.
Ayblovlar 2025 yildagi hodisaga taqaladi, oʻshanda u Massachusets shtatidagi oilaviy xonadonida 17 yoshli qizga tajovuz qilganlikda ayblanmoqda.
Piters ayblovlarni rad etdi va jinsiy aloqa oʻzaro rozilik bilan boʻlganini aytdi. Payshanba kuni unga 10 000 dollar miqdorida garov evaziga ozodlik berildi va unga ayblovchi bilan bogʻlanmaslik yoki u haqida post joylamaslik, shuningdek, pasportini topshirish topshirildi.
BBCʼning AQShdagi hamkori CBS News xabariga koʻra, bir ayol politsiyaga 2025 yil 23 mayda Piters uni Chatamdagi oilaviy uyiga olib borish uchun Uber buyurtma qilganini, u yerda jonli efir suratga olish vaqtida spirtli ichimlik ichishganini va shundan soʻng u qizni zoʻrlaganini aytgan.
CBS xabariga koʻra, arizani qabul qilgan zobit, qizning yoshi va jonli efirda koʻringan mastlik darajasi tufayli rozilik berish holatida boʻlmaganiga ishonishini aytgan.
Clavicular TikTok va Instagramʼda bir milliondan ortiq kuzatuvchiga ega va u «looksmaxxing»ga erishish yoʻlida qoʻllagan keskin choralari bilan media eʼtiborini tortgan.
U jismoniy mukammallikka erishish uchun yuzi va jagʻiga bolgʻa ishlatganini hamda turli steroidlar, ukollar va boshqa dori vositalarini qabul qilganini aytgan. U, shuningdek, erkakcha koʻrinishga ega boʻlish boʻyicha maslahatlar beradi va kuzatuvchilarni hayratda qoldirish uchun turli tryuklarni amalga oshiradi.
Shu yil boshida Floridada u oʻzining oʻlik alligatorga qarata oʻt ochganini videoga olganidan keyin ayblangan edi. U jamoat joyida noqonuniy ravishda oʻt ochgani boʻyicha aybini rad etmadi.
Mart oyida u rasmiylar ikki ayol oʻrtasida mushtashuv keltirib chiqargan deb hisoblaganidan soʻng, tan jarohati yetkazishda gumonlanib hibsga olingan edi. Rasmiylar iyul oyida ayblov qoʻyishni rejalashtirmayotganliklarini maʼlum qilishdi.
Payshanba kungi sud majlisidan soʻng, Piters sudga kiyib kelgan qora kostyum va qora galstukda, shuningdek, sudga oʻzi bilan birga olib kelgan iti bilan tushgan suratini joylashtirdi.
Uning navbatdagi sud majlisi 24 noyabrga belgilangan boʻlib, unda sudya ish boʻyicha sud jarayonini davom ettirish uchun yetarli dalillar bor-yo'qlgini hal qiladi.