xabarchixabarchiABARCHI
Sport

Krishtianu Ronaldu 4 nafar investor bilan birgalikda "Al-Nasr"ni sotib olish boʻyicha taklif tayyorlamoqda

Krishtianu Ronaldu 4 ta investor bilan birgalikda «Al-Nasr»ni sotib olish boʻyicha taklif tayyorlamoqda

Besh karra «Oltin toʻp» sohibi, portugaliyalik hujumchi Krishtianu Ronaldu oʻzi hozirda toʻp surayotgan Saudiya Arabistonining «Al-Nasr» futbol klubi xoʻjayiniga aylanishi mumkin.

DAZN Portugal nashri manbasining xabar berishicha, 41 yoshli futbolchi boshqa 4 ta investor bilan birgalikda klubni sotib olish uchun ariza tayyorlamoqda. Kelishuvning har bir ishtirokchisi jamoani sotib olish uchun kamida 92 million yevro sarmoya kiritishi nazarda tutilgan.

Ronaldu 2022 yilning dekabridan buyon «Al-Nasr»da oʻynab kelmoqda. Oʻzining professional faoliyati davomida u Lissabonning «Sporting», Angliyaning «Manchester Yunayted», Ispaniyaning «Real Madrid» va Italiyaning «Yuventus» klublari sharafini ham himoya qilgan.

Portugaliyalik futbolchi faoliyati davomida 5 marta Chempionlar ligasida gʻolib chiqqan, 1 marta Yevropa chempioni boʻlgan va 2 marta Millatlar ligasida zafar quchgan. Bundan tashqari, u milliy terma jamoalar, Yevropa chempionatlari, Chempionlar ligasi va Klublar oʻrtasidagi jahon chempionati tarixidagi eng yaxshi toʻpurar sifatida rekordni saqlab turibdi.

xabarchi’da cookie fayllari

Til va mavzu tanlovingizni eslab qolish hamda hozir saytni nechta odam o‘qiyotganini sanash uchun cookie fayllaridan foydalanamiz — bu hisob anonim, faqat brauzeringiz ochiq turganda saqlanadi va na siz bilan, na boshqa tashrif bilan bog‘lanmaydi. Ruxsatingiz bilan sayt qanday o‘qilishini ham o‘lchaymiz: Microsoft Clarity sahifa ko‘rishlari va ulardagi harakatlarni yozib boradi, o‘z hisobimiz esa qaytgan o‘quvchilarni sanaydi. Sizni tashriflar orasida taniydigan hech narsa siz qabul qilmaguningizcha o‘lchanmaydi.