Kommunal tariflarni şakllantiriş tartibi özgardi: qaror kimlarga tegişli?
Özbekistonda Kommunal xizmatlarga tariflarni şakllantiriş böyiça nizomga özgartirişlar kiritildi. Yangilangan tahrir asosiy faoliyati kommunal xizmat körsatiş bölmagan taşkilotlarning suv, oqova suv, issiq suv va isitiş xizmatlari tariflarini belgilaş tartibini qamrab oladi.
Kommunal tariflarni shakllantirish tartibi o‘zgardi: qaror kimlarga tegishli?
Iqtisodiyot va moliya vazirligi hamda Qurilish va uy-joy kommunal xo‘jaligi vazirligining qo‘shma qarori 2026-yil 23-oktabrda Adliya vazirligida 2198-3-son bilan davlat ro‘yxatidan o‘tkazildi.
Nizomning yangilangan muqaddimasiga ko‘ra, hujjat asosiy faoliyat turi kommunal xizmatlar ko‘rsatish bo‘lmagan xo‘jalik yurituvchi subyektlar taqdim etadigan quyidagi xizmatlar bo‘yicha tariflar va xarajatlar tarkibini aniqlashni tartibga soladi:
- ichimlik suvi ta’minoti;
- oqova suvlarni chiqarib yuborish;
- issiq suv ta’minoti;
- isitish, ya’ni issiqlik ta’minoti.
Nizomning 2-bandiga muvofiq, ushbu tashkilotlar ko‘rsatayotgan kommunal xizmatlari narxlarini raqobat to‘g‘risidagi qonunchilik va nizom talablariga rioya etgan holda mustaqil belgilaydi.
Shu bilan birga, tariflarni davlat tomonidan tartibga solish Vazirlar Mahkamasining 2023-yil 29-dekabrdagi 722-son qarori hamda boshqa qonunchilik hujjatlariga muvofiq amalga oshirilishi belgilangan.
Qaror bilan nizomning 5-, 8- va 23-bandlari o‘z kuchini yo‘qotgan deb topildi. Shuningdek, ilovadagi issiqlik energiyasini ishlab chiqarish va uzatishda resurslar sarfi hamda texnologik yo‘qotishlarni hisoblashga oid havola yangilandi. Endi unda 2026-yil 4-iyunda 3846-son bilan ro‘yxatdan o‘tkazilgan nizom ko‘rsatilgan.
Hujjatda kommunal xizmatlar uchun yangi narxlar yoki tariflarni oshirish miqdori belgilanmagan. O‘zgartirishlar tariflarni shakllantirish tartibiga taalluqli.
Qaror rasmiy e’lon qilingan kundan kuchga kirishi belgilangan. Hujjat 2026-yil 24-oktabrda Qonunchilik ma’lumotlari milliy bazasida e’lon qilingan.