Kiev yaqinida harbiylarni yertölada saqlaş haqidagi xabarlar töqnaşuvga sabab böldi
Kiev yaqinidagi Petropavlovskaya Borşçagovka qişloğida harbiylar xususiy uyda majburan uşlab turilgani haqidagi xabarlar ortidan aholi va politsiya örtasida töqnaşuvlar yuz berdi. Politsiya va Milliy gvardiya noqonuniy uşlab turiş hamda qiynoqlar haqidagi daʼvolarni rad etdi. Hodisa yuzasidan tekşiruvlar boşlandi.
Kiyev yaqinida harbiylarni yerto‘lada saqlash haqidagi xabarlar to‘qnashuvga sabab bo‘ldi
DW xabariga ko‘ra, voqea 2-noyabr, dushanba kuni yuz bergan. Mahalliy aholi vakillari qishloqdagi xususiy uylardan birida bir necha erkak o‘z xohishiga qarshi ushlab turilgan bo‘lishi mumkinligini bildirgan. Bu xabarlar ortidan uy oldiga yuzdan ortiq odam to‘plangan.
Rasmiy idoralar mazkur binoda Ukraina Milliy gvardiyasi bo‘linmalaridan birining harbiy xizmatchilari joylashganini ma’lum qilgan. Biroq ular odamlar noqonuniy ravishda ushlab turilgani haqidagi ayblovlarni rad etmoqda.
Ijtimoiy tarmoqlarda uyda safarbar qilinganlar, shuningdek, harbiy qismlarini o‘zboshimchalik bilan tark etgan harbiy xizmatchilar saqlanayotgani haqida xabarlar tarqalgan.
Shundan so‘ng kunduzi bino oldiga yig‘ilgan odamlar ichkaridagilar qanday sharoitda saqlanayotganini tekshirishni va hududga kirishga ruxsat berishni talab qilgan.
Ukraina ommaviy axborot vositalari ma’lumotlariga ko‘ra, uy oldida to‘planganlar bilan politsiya o‘rtasida to‘qnashuvlar sodir bo‘lgan. Kechga borib esa vaziyat yanada keskinlashgan.
Norozilik aksiyasi ishtirokchilari va harbiylarning qarindoshlari uydagi odamlar o‘z xohishiga qarshi ushlab turilgani hamda ularga nisbatan zo‘ravonlik qo‘llanganini da’vo qilgan.
Ularning so‘zlariga ko‘ra, bino yerto‘lasida taxminan 40 nafar erkak saqlangan bo‘lishi mumkin. Biroq xabar e’lon qilingan paytga qadar bu ma’lumotlar mustaqil manbalar tomonidan tasdiqlanmagan.
Kiyev viloyati politsiyasi xususiy uy Milliy gvardiya bo‘linmalaridan biri harbiy xizmatchilarining joylashuv manzili ekanini bildirgan. Huquqni muhofaza qiluvchi organlar odamlarni noqonuniy ushlab turish, kaltaklash va qiynoqqa solish, shuningdek, bir kishi halok bo‘lgani haqidagi xabarlarni rad etgan.
Ukraina Milliy gvardiyasining «Azov» 1-korpusi ham bayonot bergan. Unda ijtimoiy tarmoqlarda 3121-sonli harbiy qismning vaqtincha joylashuv punktida harbiylarga nisbatan zo‘ravonlik sodir etilgani haqida tekshirilmagan ma’lumotlar tarqalayotgani aytilgan.