Kechqurun Toshkentning ayrim tumanlarida havo sifati yomonlashishi prognoz qilinmoqda
Toshkentda 14 oktyabr kuni kechqurun havodagi ifloslantiruvchi zarrachalar kontsentratsiyasi ortishi kutilmoqda.
Kechqurun Toshkentning ayrim hududlarida havo sifati yomonlashishi kutilmoqda
Soat 20:00 dan 23:00 gacha havo sifati indeksi AQI 100–150 gacha koʻtarilishi mumkin, bu «aholining taʼsirchanuch guruhlari uchun nosogʻlom» darajasiga toʻgʻri keladi, deyiladi Milliy ekologiya va iqlim oʻzgarishi qoʻmitasi xabarida.
Eng yuqori koʻrsatkichlar soat 22:00 dan 23:00 gacha poytaxtning shimoliy va gʻanbiy qismlarida prognoz qilinmoqda.
Qoʻmita maʼlumotlariga koʻra, 14 oktyabrga oʻtar kechasi ayrim soatlarda va Toshkentning baʼzi hududlarida havo sifatining qisqa muddatli yomonlashishi kuzatildi. Kuchsiz shamol va temperatura inversiyasi atmosferaning yerga yaqin qatlamida ifloslantiruvchi zarralarning toʻplanishi uchun sharoit yaratdi.
Shu bilan birga, shahar boʻyicha havo sifatining oʻrtacha koʻrsatkichlari milliy indeks boʻyicha PM2,5 uchun «yashil» va PM10 uchun «sariq» darajada qoldi.
14 oktyabr kuni soat 10:00 dan 17:00 gacha havo sifati asosan «oʻrtacha» darajada — AQI 75–100 boʻlishi prognoz qilingan edi.
Qoʻmita atmosfera havosining sifati Maxsus komissiya tomonidan doimiy monitoring qilinayotganini qoʻshimcha qildi.