“Kapitalbank” futbol faxriylarini uchinchi bor bir maydonda jamladi
Toshkentdagi “Yoshlik” stadionida futbol faxriylari o‘rtasida uchinchi chempionat bo‘lib o‘tdi. “Kapitalbank” tashkil etgan turnirda o‘rtacha yoshi 72 yoshni tashkil etuvchi to‘rtta jamoa qatnashdi. Final bahsida Toshkent jamoasi g‘alaba qozondi.
“Kapitalbank” futbol faxriylarini uchinchi marta bir maydonda to‘pladi
Toshkentdagi “Yoshlik” stadionida “Kapitalbank” tashabbusi bilan futbol faxriylari o‘rtasidagi uchinchi chempionat bo‘lib o‘tdi. Musobaqa yana bir bor sportni sevuvchi, jamoaviy ruh va g‘alabaga intilish hayotining ajralmas qismiga aylangan futbolchilarni bir joyga jamladi. Ishtirokchilarning o‘rtacha yoshi 72 yoshni tashkil etdi.
Asosiy kubok uchun to‘rtta jamoa bahs olib bordi: Toshkent terma jamoasi, “Algoritm”, “Sergeli” va “Kapitalbank”ning korporativ jamoasi.
Turnir doirasida jami to‘rtta o‘yin o‘tkazildi. Birinchi bosqichda Toshkent terma jamoasi “Kapitalbank” bilan, “Algoritm” esa “Sergeli” bilan kuch sinashdi. Ushbu uchrashuvlar yakuniga ko‘ra jamoalar final o‘rinlari uchun kurashni davom ettirdilar: Toshkent terma jamoasi va “Algoritm” 1 va 2-o‘rinlar uchun, “Kapitalbank” va “Sergeli” esa 3 va 4-o‘rinlar uchun bahs olib bordi.
Natijada sovrinli o‘rinlar quyidagicha taqsimlandi:
“Biz uchun ushbu turnirni ketma-ket uchinchi yil qo‘llab-quvvatlash katta sharafdir. Bu shunchaki sport musobaqasi emas, balki futbol rivojiga ulkan hissa qo‘shgan insonlarga hurmat bajo keltirish imkoniyati sanaladi. Ularning g‘ayrati, shijoati va g‘alabaga intilishi yosh faol hayot kechirishga hamda sevimli mashg‘ulotiga bo‘lgan ishtiyoqqa hech qanday to‘siq bo‘la olmasligini yaqqol ko‘rsatadi”, — deya ta’kidladi “Kapitalbank” ATB kuzatuv kengashi raisining maslahatchisi Oksana Lindina.
Turnir tantanali taqdirlash marosimi bilan yakunlandi. Ishtirokchilarga kuboklar, medallar va esdalik sovg‘alari topshirildi.
Sport tashabbuslarini, jumladan faxriylar futbolini qo‘llab-quvvatlash “Kapitalbank” ijtimoiy faoliyatining muhim qismi bo‘lib qolmoqda. Bank sog‘lom turmush tarzini targ‘ib qilishga hamda faol uzoq umr ko‘rish an’analarini shakllantirishga qaratilgan loyihalarni qo‘llab-quvvatlashda davom etmoqda.