Kanalik turist Las-Vegasadagi volyerdan flamingoni oʻgʻirlaganidan keyin hayvonlarga shafqatsiz munosabatda boʻlishda aybdor deb topildi
Erkak kishi 30-40 banka pivo ichganidan soʻng Pinchini «Flamingo» mehmonxonasi va kazinosidagi kafasidan tortib olganini, lekin hech qanday yomonlikni maqsad qilmaganini aytib koʻrgazma berdi.
Kanalik turist Las-Vegasdagi qoʻradan flamingoni olib chiqqanidan keyin hayvonlarga shafqatsiz muomala qilishda aybdor deb topildi
Feyrbarn liftda flamingo bilan mehmonxonadagi xonasiga chiqayotgani kuzatuv kamerasiga tushib qolgan
Kanalik erkak spirtli ichimlik taʼsirida Las-Vegasdagi qoʻradan flamingoni chiqarib olib, mehmonxonadagi xonasiga olib kirganidan soʻng hayvonlarga shafqatsiz muomala qilishda aybdor deb topildi.
AQSh shahriga tashrif buyurgan Mitchell Feyrbarn mart oyida «Flamingo Las Vegas Hotel and Casino»dan Pichi laqabli Chili flamingosini olib ketgan.
Uning sudida koʻrsatilgan videolarda jilmayib turgan Feyrbarn qushni boʻynidan ushlagancha xonasiga liftda chiqayotgani aks etgan. U koʻrgazma berishicha, hodisadan oldin 30 tadan 40 tagacha pivo ichgan va hayvonga hech qachon zarar yetkazmoqchi boʻlmaganini aytgan. U besh yilga yaqin qamoq jazosiga tortilishi mumkin.
Hayvonlar boʻyicha ekspertlar Feyrbarnning xatti-harakatlari sababli flamingoning patlari junjikkani va qon yoʻqotgani haqida koʻrgazma berishdi.
Feyrbarnning advokati uning xatti-harakatlari zararsiz hazil sifatida moʻljallanganini aytdi va uning «yomon qarorlari»da alkogolni aybladi.
«U bunday qilmasligi, yashash muhitiga kirmasligi, qushga tegmasligi, Pichini ichkariga olib kirmasligi kerak edi», dedi uning advokati Josh Tomshek.
«Haqiqat shundaki, Mich mas edi. Mich ahmoqlik qildi. U yomon qarorlar qabul qildi».
Advokatining qoʻshimcha qilishicha, u hibsga olinganidan beri oʻlim bilan tahdidlar olgan.
Oʻz himoyasida koʻrgazma bergan 34 yoshli Feyrbarn qushni olish «qiziqarli» boʻladi deb oʻylaganini aytdi.
Uning aytishicha, u tun boʻyi ichib chiqqan va qushni oʻgʻirlashga qaror qilganida hamkasbi bilan telefonda gaplashib boʻlgan edi.
Mashhur Las-Vegas Strip koʻchasida joylashgan «Flamingo Las Vegas» mehmonxonasi va kazinosi ichida bepul aylanish mumkin boʻlgan janubiy tabiat hududi mavjud. U yerda Chili flamingolari toʻdasi, boshqa qushlar, baliqlar va tashbaqalar bor.
BBCning AQShdagi hamkori CBS xabariga koʻra, sud jarayonida hakamlar hayʼati 14 nafar guvohning koʻrgazmasini eshitdi va 112 tadan ortiq dalilni koʻrib chiqdi.
Hakamlar hayʼatiga uni hayvonlarga shafqatsiz muomala qilish boʻyicha jinoiy va huquqbuzarlik ayblovlari boʻyicha aybdor deb topish uchun taxminan besh soat vaqt ketdi.
Feyrbarn hibsga olinganidan beri AQShni tark eta olmayapti. U Las-Vegasda uy qamogʻida qolmoqda, hukm chiqarish majlisi dekabr oyida boʻlib oʻtishi kerak.
Shtat veterinarining aytishicha, Pichi hodisadan beri asosan tuzalib ketgan, ammo endi odamlar atrofida oʻzini koʻproq tashvishli tutadi.