Jizzaxda boğça mudirasi öldirildi, jinoyat işi qözğatildi
Zarbdor tumanida bolalar boğçasi mudirasi öldirildi. Holat yuzasidan Jinoyat kodeksining 97-moddasi 1-qismi bilan iş qözğatildi.
Jizzaxda bog‘cha mudirasi o‘ldirildi, jinoyat ishi qo‘zg‘atildi
Jizzax viloyatining Zarbdor tumanida bolalar bog‘chasi mudirasi o‘ldirildi. Dastlabki ma’lumotlarga ko‘ra, jinoyatga uning turmush o‘rtog‘ining aloqadorligi gumon qilinmoqda.
Bosh prokuratura matbuot xizmati xabar berishicha, 29 oktyabr kuni mazkur holat yuzasidan O‘zbekiston Jinoyat kodeksining qasddan odam o‘ldirish uchun javobgarlikni nazarda tutuvchi 97-moddasi 1-qismi bilan jinoyat ishi qo‘zg‘atilgan.
Marhuma «Yangi Hayot» mahallasida yashagan va “Adirobod” mahallasida joylashgan bolalar bog‘chasiga rahbarlik qilgan.
Hodisaga oilaviy nizo sabab bo‘lgani mumkin. Ayni paytda huquqni muhofaza qiluvchi organlar jinoyat tafsilotlarini, jumladan, u qanday sodir etilganini oshkor qilmayapti.
Marhumaning turmush o‘rtog‘i jinoyatga aloqador bo‘lishi mumkinligi haqidagi ma’lumot dastlabki tusga ega. Tergovning rasmiy natijalari hozircha ma’lum qilinmagan.