Mahalliy
Jarqoʻrgʻonda 5-sinf oʻquvchisi qoʻshnisining «Spark»ini haydab, videosini tarmoqqa joyladi
Surxondaryo viloyati Jarqoʻrgʻon tumanida beshinchi sinf oʻquvchisi qoʻshnisiga tegishli «Spark» avtomobilini boshqargan. U bu jarayonni tasvirga olib, ijtimoiy tarmoqlarga joylaganidan soʻng holat keng muhokamaga sabab boʻlgan.
Jarqoʻrgʻonda 5-sinf oʻquvchisi qoʻshnisining «Spark» avtomobilini haydab, uning videosini tarmoqqa joylagan.
Viloyat IIB Jamoat xavfsizligi xizmati Yoʻl harakati xavfsizligi boshqarmasi maʼlumotiga koʻra, avtomobilni tumandagi 19-maktab oʻquvchisi boshqargan.
YHXB mutaxassislari voyaga yetmagan bola hamda uning onasi bilan profilaktik suhbat oʻtkazgan.
Rasmiy xabarda holat yuzasidan qonuniy chora koʻrilgani aytilgan, biroq aynan qanday chora qoʻllangani ochiqlanmagan.