«Imarat» loyihasi egasi uşlandi va endi mobil radar haqida oldindan ogohlantirilmaydi - mahalliy dayjest
«Imarat Development» quriliş loyihasi egasi Marat Hamdamov protsessual tartibda uşlandi. Yöllarda mobil radar haqida oldindan ogohlantiriş talabi bekor qilindi. Çet elga işga yuboriş tizimi töliq xususiy sektorga ötkaziladi. Özbekistonda tuğilişlar soni 26 mingtaga kamaydi. Ğuzorda ayol va uning 4 bolasini yoqib yuborgan erkak umrbod qamaldi. Kunning muhim yangiliklari bilan taniştiramiz.
«Imarat» loyihasi egasi ushlanib, endi mobil radar haqida oldindan ogohlantirish bo‘lmaydi — mahalliy dayjest
«Imarat Development» qurilish loyihasi egasi Marat Hamdamov protsessual tartibda ushlangan
«Imarat Development» qurilish loyihasi egasi Marat Hamdamov Toshkent shahar IIBB tomonidan olib borilayotgan jinoyat ishida gumon qilinuvchi sifatida jalb etildi va JPK 227-moddasi tartibida ushlanibdi.
Bu holat kompaniya loyihalaridagi xonadonlar mijozlarga vaʼda qilingan (shartnomada ko‘rsatilgan) muddatda topshirilmagani ortidan muammolar yuzaga kelgani fonida sodir bo‘lmoqda.
1-noyabr kuni Toshkent shahar IIBB tergov boshqarmasi ofisi Sergeli tumanidagi Buyuk avlod shohko‘chasida joylashgan «Imarat Development» masʼuliyati cheklangan jamiyat rahbariyatiga nisbatan JK 168-moddasi (Firibgarlik) va 192-11-moddasi (Mansabdor shaxslar tomonidan o‘z vakolatlarini suiisteʼmol qilish) bilan jinoyat ishi qo‘zg‘atgandi.
Yo‘llarda mobil radar haqida oldindan ogohlantirish talabi bekor qilindi
Yo‘lda radar haqida ogohlantiruvchi belgini o‘rnatish haqidagi Vazirlar Mahkamasi qarori o‘zgartirildi.
Avvalgi tartibga ko‘ra, 2025-yil 1-sentabrdan tezlikni nazorat qiluvchi har qanday turdagi statsionar va mobil radar joylashgan hududda hamda ulargacha 250–500 metr masofada «Radar» yo‘l belgisini o‘rnatish majburiy edi.
Yangi qarorda ushbu band qayta bayon qilinib, undagi «har qanday turdagi statsionar va mobil radar» ifodasi o‘rniga «statsionar radar» deb belgilandi. Natijada mobil radar mazkur majburiy talab qamrovidan chiqarildi.
Shuningdek, Yo‘l harakati qoidalaridagi 5.43 - «Radar» belgisiga oid bandga ham o‘zgartirish kiritildi. Unga ko‘ra, belgi faqat statsionar radar yordamida nazorat qilinayotgan joylargacha 250–500 metr masofada o‘rnatiladi.
O‘zbekistonda tug‘ilishlar soni 26 mingtaga kamaydi
2026-yil yanvar–sentabr oylarida O‘zbekistonda 638628 ta tirik tug‘ilish holati qayd etildi.
Bu 2025-yilning mos davriga nisbatan 26 mingtaga kam.
Milliy statistika qo‘mitasi maʼlumotlariga ko‘ra, eng ko‘p tug‘ilish Samarqand viloyatida qayd etilgan — to‘qqiz oyda hududda 77 537 nafar chaqaloq dunyoga kelgan.
Keyingi o‘rinlarni Qashqadaryo va Farg‘ona viloyatlari egallagan. Ularda mos ravishda 72508 va 71437 ta tug‘ilish qayd etilgan. Eng kam ko‘rsatkich esa Sirdaryo viloyatiga to‘g‘ri kelgan — 15377 ta.
G‘uzorda ayol va uning 4 bolasini yoqib yuborgan erkak umrbod qamaldi
Qashqadaryo viloyatida ayol va uning bolalarini yoqib yuborgan erkak jinoiy jazoga tortildi.
Maʼlum qilinishicha, holat 2026-yil 15-may kuni kechasi sodir bo‘lgan. Sudlanuvchi S.T. jabrlanuvchining G‘uzor tumanidagi xonadoniga borib, u bilan janjallashgan. So‘ngra ayol va uning to‘rt nafar voyaga yetmagan farzandini ustiga benzin sepgan holda tiriklayin yoqib yuborgan. Ayol va uning ikki nafar farzandi hayoti saqlab qolindi. Ammo kuyishdan olgan tan jarohatlari oqibatida 6 yoshli o‘g‘il va 11 yoshli qiz vafot etdi.
JIB Qamashi tuman sudi hukmi bilan S.T. umrbod ozodlikdan mahrum qilish jazosiga hukm qilindi.