G‘ayrioddiy tajriba: Niderlandiyada 9-noyabr kuni tomoshabinlar sevimli filmlarini unutishi uchun gipnoz qilinadi
Tomoshabinlarga sevimli filmlarini unutib, ularni ilk bor tomosha qilish taklif etiladi. Tashkilotchilar filmni ilk bor ko‘rgandagi his-tuyg‘uni qaytarishning iloji bor-yo‘qligini sinab ko‘rishmoqchi.
G‘ayrioddiy tajriba: Niderlandiyada 9-noyabr kuni tomoshabinlar sevimli filmlarini unutishi uchun gipnoz qilinadi
Niderlandiyadagi kinoteatrlar tarmog‘i noodatiy tajriba o‘tkazishni rejalashtirmoqda: tomoshabinlar ilgari ko‘rgan filmlarini unutib, ularni go‘yo birinchi marta tomosha qilayotgandek ko‘rishlari uchun gipnoz qilinadi. Kompaniya ma’lumotiga ko‘ra, seans 9-noyabr kuni Gaagadagi kinoteatrda bo‘lib o‘tadi.
Tajriba qatnashchilari “Matritsa”, “Yetti”, “La-La Lend” yoki “Interstellar” filmlaridan birini tanlashlari kerak. Ishtirok etish bepul, arizalar qabuli 29-oktyabrda yakunlangan.
Loyiha uchun 30 kishi saralab olinadi. Ularning har biri gipnoz bilan 30 yildan buyon shug‘ullanib kelayotgan gipnoterapevt Viktor Kremer bilan individual onlayn-sessiyadan o‘tadi. Namoyishdan bevosita oldin tomoshabinlar yana gipnoz holatiga kiritiladi. Tashkilotchilar filmni ilk bor ko‘rgandagi hissiyotlarni qaytarish mumkinmi-yo‘qmi, shuni sinab ko‘rmoqchi: filmni unutishning uddasidan chiqiladimi yoki yo‘q, buni hali aniqlash kerak bo‘ladi.