Frantsiyada muzeydan vazni 210 kg boʻlgan noyob kitob oʻgʻirlab ketildi
Frantsiyada Issuardagi Zamonaviy sanʼat markazidan nomaʼlum shaxslar Jozef Forening «Muqaddas Ioann Apokalipsisi» noyob nusxasini oʻgʻirlab ketishdi. Bu haqda Frantsiyaning Ici radiosi xabar bermoqda. Kitob dunyodagi yagona nusxa hisoblanadi. U 1958 yildan 1961 yilgacha yaratilgan boʻlib, vazni taxminan 210 kg ni tashkil qiladi. Yana taxminan 150 kg Salvador Dali loyihasi asosida tayyorlangan bronza muqovaga toʻgʻri keladi. […]
Frantsiyada muzeydan vazni 210 kg boʻlgan noyob kitob oʻgʻirlandi
Frantsiyaning Issuar shahridagi Zamonaviy sanʼat markazidan nomaʼlum shaxslar Jozef Forening «Avliyo Ioann Apokalipsisi» noyob nusxasini oʻgʻirlab ketishdi. Bu haqda Frantsiyaning Ici radiosi xabar bermoqda.
Ushbu kitob dunyodagi yagona nusxa hisoblanadi. U 1958 yildan 1961 yilgacha yaratilgan boʻlib, vazni qariyb 210 kg ni tashkil qiladi. Yana taxminan 150 kg Salvador Dali loyihasi asosida tayyorlangan bronza muqovaning hissasiga toʻgʻri keladi.
Ochilgan holatda kitobning uzunligi 150 metrga yetadi va u qoʻlyozma matnlar tushirilgan 150 ta katta pergamentdan iborat. Bezakda kalligrafik uslubda yozilgan 95 mingga yaqin harfdan foydalanilgan, bronza muqova esa qimmatbaho toshlar bilan bezatilgan.
Yaratilgan vaqtida ushbu asar 2 million frankka baholangan va dunyodagi eng qimmat kitob deb atalgan.
Oʻgʻirlangan nusxa Bourges 2028 loyihasi bilan bogʻliq madaniy dasturning bir qismiga aylanishi kerak edi.
Hozirda huquq-tartibot idoralari oʻgʻrilikning barcha tafsilotlarini aniqlamoqda va oʻgʻirlangan asarni qidirmoqda.