Fransiya atomdan, Norvegiya suvdan: mamlakatlar elektrni qayerdan oladi?
2025-yilda Fransiyada elektr energiyasining qariyb 69 foizi atom stansiyalarida, Norvegiyada esa 90 foizi gidroelektr stansiyalarida ishlab chiqarilgan. Daniyada shamol, Xitoy va Hindistonda koʻmir eng yirik manba boʻlgan. Ember tahlil markazi maʼlumotlari mamlakatlarning elektr ishlab chiqarish tarkibi keskin farq qilishini koʻrsatmoqda.
Fransiya atomdan, Norvegiya suvdan: mamlakatlar elektrni qayerdan oladi?
Unda 18 mamlakatning toʻliq 2025-yil yakunlari solishtirilgan.
Koʻrsatkichlar mamlakat ichida ishlab chiqarilgan elektr energiyasida har bir manbaning ulushini bildiradi. Ular elektr stansiyalarining oʻrnatilgan quvvati yoki mamlakatning barcha turdagi energiya isteʼmolini anglatmaydi.
Qaysi davlat qaysi manbaga tayanadi?
Fransiyada atom elektr stansiyalari jami elektrning 68,79 foizini taʼminlagan. Norvegiyada esa gidroenergetika ulushi 90,03 foizga chiqqan.
GESlar Kanada va Braziliyada ham elektr ishlab chiqarishning yarmidan koʻpini bergan:
Kanada — 52,84 foiz;
Braziliya — 51,78 foiz.
Daniyada eng katta manba shamol boʻlib, uning ulushi 57,69 foizni tashkil etgan.
AQShda gaz elektr ishlab chiqarishning 39,99 foizini taʼminlagan. Rossiyada ham gaz yetakchi — 44,70 foiz. U yerda qolgan yirik manbalar koʻmir — 18,40 foiz, atom energetikasi — 18,33 foiz va gidroenergetika — 16,74 foiz boʻlgan.
Xitoyda koʻmir ulushi 54,35 foiz boʻlib qolgan. Shu bilan birga, quyosh va shamolning birgalikdagi ulushi 21,81 foizga yetgan.
Hindistonda elektrning 70,82 foizi, Janubiy Afrika Respublikasida esa 81,36 foizi koʻmir hisobiga ishlab chiqarilgan.
Jahon miqyosida qayta tiklanuvchi manbalar koʻmirdan oʻzgan. Ember maʼlumotlariga koʻra, 2025-yilda qayta tiklanuvchi manbalarning jahon elektr ishlab chiqarishidagi jami ulushi