Farg‘onadagi obodonlashtirish boshqarmasidagi talon-torojliklar fosh etildi
Ular amalda bajarilmagan ishlarga 283 tonna asfalt qo‘shib yozilib, 158,7 mln so‘mlik budjet mablag‘larini talon-toroj
Farg‘onadagi obodonlashtirish boshqarmasida talon-torojlik holatlari aniqlandi
Qo‘shtepa tumani Obodonlashtirish boshqarmasida talon-torojliklar fosh etildi.
Bosh prokuratura huzuridagi Departamentning Farg‘ona viloyati boshqarmasi tomonidan tergovga qadar tekshiruv o‘tkazildi.
Tekshiruvda aniqlanishicha, Qo‘shtepa tumani Obodonlashtirish boshqarmasi mas’ul shaxslari «F.A.» xususiy korxonasi va «Q.Z.» MChJ o‘rtasida tuzilgan shartnomalarga muvofiq 3,9 mlrd so‘mlik 6 084 tonna asfalt xarid qilib, 26 ta MFY hududidagi 61 ta ko‘chaga amalda bajarilmagan ishlar uchun 283 tonna asfalt qo‘shib yozish orqali 158,7 mln so‘mlik budjet mablag‘larini talon-toroj qilganliklari ma’lum bo‘lgan.
Mazkur holat bo‘yicha Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) hamda 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari olib borilmoqda.