Ertaga Toshkentda havo sifati yaxshilanishi kutilmoqda
Hozirda atmosfera havosi sifati Maxsus komissiya tomonidan doimiy monitoring qilinmoqda. Xususan, 31 oktyabrdan 1 noyabrga
Ertaga Toshkentda havo sifati yaxshilanishi kutilmoqda
Ayni paytda atmosfera havosi sifati Maxsus komissiya tomonidan uzluksiz nazorat qilinmoqda. Xususan, 31 oktyabrdan 1 noyabrga o‘tar kechasi Toshkent shahrida havo sifati yomonlashishi ehtimoli bor.
Prognozlarga ko‘ra, kechki, tungi va ertalabki soatlarda havo sifati Xalqaro havo sifati indeksi (AQI) bo‘yicha “nosog‘lom”, milliy havo sifati indeksi bo‘yicha esa “zarg‘aldoq” darajada bo‘lishi kutilmoqda.
Tunda havo haroratining pasayishi, kuchsiz shamol va harorat inversiyasi atmosferaning quyi qatlamlarida havo almashinuvini cheklaydi. Bu holat mahalliy va qo‘shni hududlarda shakllangan tashlamalarning tarqalishini sekinlashtirib, PM zarrachalarining yer yuzasiga yaqin qatlamda to‘planib qolishiga sharoit yaratishi mumkin.
Kunduzi havo haroratining oshishi va vertikal havo almashinuvining yaxshilanishi hisobiga inversiya kuchsizlanib, havo sifati asta-sekin yaxshilanishi kutilmoqda.