Enso Fernandes transferi uchun chegirmali muddat tugadi

Enso Fernandesning transferi bo‘yicha chegirmali muddat yakunlandi.

"Chelsi" yarimhimoyachi Enso Fernandesni sotib olish bo‘yicha hech qanday yozma taklif olmadi. Jurnalist Fabritsio Romanoning X ijtimoiy tarmog‘idagi sahifasida ma’lum qilishicha, 14-avgust (London vaqti bilan soat 17:00) klub futbolchini sotish masalasini muhokama qilishga tayyor bo‘lgan so‘nggi muddat edi.

Avvalroq, agar "Manchester Siti" va "Chelsi" ushbu muddatgacha kelishuvga erisha olmasa, transfer umuman amalga oshmasligi xabar qilingan edi. Endilikda 25 yoshli argentinalik futbolchini o‘z safiga qo‘shib olmoqchi bo‘lgan jamoalar uning uchun 140,5 million yevrolik sof taklif yuborishlari talab etiladi.

Manbaga ko‘ra, "Chelsi" endi 25 yoshli futbolchini 120 million funt sterling (140 million yevro) evaziga sotish variantini ko‘rib chiqmayapti. Bu summa may oyining oxirida ehtimoliy xaridorlarga ma’lum qilingan edi.

Enso 2023-yilning qishida "Benfika"dan "Chelsi"ga ko‘chib o‘tgan edi. U shu kungacha barcha turnirlarda jami 166 ta o‘yinda maydonga tushib, raqiblar darvozasiga 30 ta gol urishga muvaffaq bo‘ldi.

Argentinalik yarimhimoyachi londonliklar bilan birgalikda 2024/2025-yilgi mavsumda Konferensiyalar Ligasida hamda 2025-yilgi Klublar o‘rtasidagi Jahon chempionatida g‘olib chiqqan. Futbolchining amaldagi shartnomasi 2032-yilning yoziga qadar mo‘ljallangan bo‘lib, Transfermarkt portali uning hozirgi bozor qiymatini 100 million yevroga baholamoqda.