Enn Karson adabiyot bo‘yicha Nobel mukofotini oldi
Kanada yozuvchisi Enn Karson 2026 yil adabiyot bo‘yicha Nobel mukofotiga sazovor bo‘ldi. Mukofot uning novatorlik ijodi uchun berildi.
Enn Karson adabiyot bo‘yicha Nobel mukofotiga sazovor bo‘ldi
Kanadalik yozuvchi Enn Karson 2026 yil adabiyot bo‘yicha Nobel mukofotining g‘olibi bo‘ldi. Mukofot unga klassik anʼana bilan o‘ziga xos muloqot orqali zamonaviy adabiyotning yangi shakllarini yarata olgan jasoratli va novatorona ijodi uchun berildi. Bu haqda Nobel qo‘mitasi maʼlum qildi.
Qo‘mita bahosiga ko‘ra, Karsonning ko‘p yillik adabiy faoliyati tarjima sohasidagi ishlari va universitetlarda olib borgan o‘qituvchilik faoliyati bilan bir vaqtda rivojlangan.
Nobel qo‘mitasi uning ijodiy yondashuvining betakrorligini alohida taʼkidlab, so‘zga bo‘lgan chuqur qiziqishni yangi maʼnolarni izlashga yo‘naltirilgan poetik intilish bilan doimiy ravishda uyg‘unlashtirib kelishini qayd etdi.
Shu tariqa, Karson 2025 yilda mukofotni olgan vengriyalik yozuvchi Laslo Krasnaxorkaidan so‘ng adabiyot bo‘yicha Nobel mukofotining navbatdagi laureati bo‘ldi.
2026 yil Nobel mukofoti laureatlarini eʼlon qilish jarayoni 5 oktyabrdan 12 oktyabrgacha davom etadi. Adabiyotdan tashqari, boshqa bir qator yo‘nalishlarda ham mukofot egalari allaqachon eʼlon qilingan.
2026 yil fiziologiya va tibbiyot bo‘yicha Nobel mukofoti Karl Deysserot, Peter Xegeman va Georg Nagelga optogenetikani yaratgani uchun berildi.
Fizika bo‘yicha Nobel mukofoti kosmik neytrinoni kashf etgani uchun Frensis Xalsenga topshirildi.
2026 yil kimyo bo‘yicha Nobel mukofoti esa organik sintez sohasidagi kashfiyoti uchun Anri Kagan va Kenso Soaiga berildi.