Efiopiyadagi «qirgʻin»da 60 dan ortiq xristian oʻldirildi, deydi shtirkov rasmiysi
75 yoshli otasi oʻldirilgan bir fuqaro ularni oʻrab olishganini aytib, buni pistirma deb taʼrifladi.
Efiopiyadagi «qirgʻin»da 60 dan ortiq xristian oʻldirildi, deydi cherkov rasmiysi
Efiopiya Ortodoks Tevaxedo cherkoviga koʻra, soʻnggi paytlarda xristianlarga qarshi hujumlar koʻpaygan
Efiopiyaning Oromiya mintaqasida xristianlarga qilingan bir qator hujumlarda 60 dan ortiq kishi oʻldirildi, deb xabar bermoqda mamlakat Ortodoks cherkovi.
75 yoshli otasi oʻldirilgan mahalliy sokinlardan biri bu hujum pistirma boʻlganini aytdi. «Biz mutlaqo tayyor emas edik va oldindan hech narsa bilmasdik. Ular bizni toʻrt tomondan qurshab olishdi», — dedi u BBC Amharic xizmatiga.
Mintaqaviy hukumat aybdorlarga qarshi chora koʻrishini bildirdi.
Mahalliy rasmiy hujumlarda yangi tashkil etilgan isyonchilar koalitsiyasi — tarkibiga Oromo ozodlik armiyasi (OLA) kiruvchi «Yashab qolish alyansi»ni aybladi. OLA izoh bermadi, ammo ilgari sodir etilgan bu kabi hujumlarni amalga oshirganini rad etgan edi.
Efiopiya Ortodoks Tevaxedo cherkovi Muqaddas Sinodining bayonotida aytilishicha, hujumlar paytida 20 ta uy butunlay yonib ketgan. Bayonotda bunga kim masʼul ekani aytilmagan.
Guvohlardan biri BBC Amharic xizmatiga halok boʻlganlarning besh nafari bolalar ekanini aytdi.
Cherkov rasmiysi Shirka tumanidagi uchta hududga qilingan hujumlarni «qirgʻin» deb taʼrifladi va xavfsizlik kuchlari voqea joyiga yetib kelgani, ammo hujumni toʻxtata olmaganini aytdi.
Hozirda koʻplab aholi bu hududni tark etgan.
Zoʻravonlikni qoralagan Ortodoks cherkovi soʻnggi paytlarda xristianlarga qarshi hujumlar koʻpayganini va «bunday harakatlar mamlakatning oʻzaro hurmat va tinch-totuv yashash qadriyatlariga putur yetkazishini» bildirdi.
Feysbukda joylashtirilgan bayonotida Ortodoks cherkovi beqarorlik boʻyicha xavotirlarini hukumatning turli darajadagi masʼullari oldida bir necha bor koʻtarganini, ammo «hozirgacha hech qanday yechim boʻlmaganini» aytdi.
Efiopiya Inson huquqlari kengashi nodavlat tashkilotining 2026 yil iyul oyida eʼlon qilingan hisobotida aytilishicha, soʻnggi toʻrt yil davomida ushbu hududdagi hujumlarda 458 kishi oʻldirilgan.
Ammo bu oʻsha davrdagi eng qonli hujumlardan biridir.
Hisobotda aytilishicha, qurollangan guruhlar mahalliy jamoalarni, xususan, Efiopiya Ortodoks Tevaxedo cherkovi eʼtiqod qiluvchilarini diniy sabablar bilan amalga oshirilgan hujumlarda qayta-qayta nishonga olgan.
Hukumat ilgari hujumlarda OLA’ni ayblagan, Bosh vazir Abiy Ahmed esa tinch aholi va diniy muassasalarga qaratilgan zoʻravonliklar mamlakatni beqarorlashtirish rejasining bir qismi ekanini aytgan edi.
Oromo xalqiga koʻproq huquqlar berilishi uchun kurashayotganini aytadigan bu guruh ushbu ayblovlarni rad etadi.
Avvalgi hisobotlarda hududdagi musulmonlarga qarshi hujumlar ham hujjatlashtirilgan. BBC bilan turli vaqtlarda suhbatlashgan aholi bu zoʻravonliklarni ham etnik, ham diniy xususiyatga ega deb taʼriflashgan.
Efiopiyaliklarning yarmidan koʻpi (taxminan ikki uch qismi) xristianlar (asosan ortodokslar), uchdan bir qismi esa musulmonlardir.