Dam olish kunlari oʻzbekistonliklarni qanday ob-havo kutmoqda

Dam olish kunlari oʻzbekistonliklarni qanday ob-havo kutmoqda

Oʻzgidromet 18-20 sentyabr — dam olish kunlari uchun ob-havo prognozini taqdim etdi.

Bugun va ertaga Oʻzbekiston hududida asosan kam bulutli va iliq ob-havo saqlanib qoladi.

Havo harorati kechasi 17-20 daraja, kunduzi 31-34 daraja, janubda va choʻl hududlarida esa 35-37 darajagacha boʻlishi kutilmoqda, bu sentyabr oyining ikkinchi yarmidagi iqlim meʼyoridan 2-4 darajaga yuqoridir.

Yakshanba kuni, 20 sentyabrda, Oʻzbekiston hududi boʻylab, janubiy viloyatlardan tashqari, bulutlilik ortishi va kunduzgi haroratning 2-3 darajaga pasayishi prognoz qilinmoqda. Qisqa muddatli yomgʻir faqat Namangan va Fargʻona viloyatlarining togʻli hududlarida joylarda kuzatilishi mumkin.

Respublikaning choʻl hududlari va togʻli tumanlarida 20 sentyabr kuni shamol tezligi 13-18 m/s gacha kuchayishi, ayrim joylarda chang-toʻzonlar kuzatilishi mumkin.

Toshkentda kam bulutli, vaqti-vaqti bilan oʻzgaruvchan ob-havo kutiladi, yogʻingarchilik boʻlmaydi. Harorat kechasi 18-20 daraja, kunduzi 18-19 sentyabrda 32-34 daraja, 20 sentyabrda esa 30-32 darajani tashkil etadi. Shamol sharqdan 3-8 m/s tezlikda esadi.