Cadillac tarixdagi eng qimmat Escalade’ni taqdim etdi
Maxsus yöltanlamas 252 nusxadan iborat çeklangan adadda işlab çiqariladi.
Cadillac tarixdagi eng qimmat Escalade’ni namoyish qildi
Cadillac kompaniyasi markaning 125 yillik yubileyiga bag‘ishlangan Escalade yo‘ltanlamasining maxsus talqinini taqdim etdi.
Amerika brendi matbuot xizmati ma’lum qilishicha, yangi avtomobil Escalade-V modeli asosida yaratilgan bo‘lib, uning narxi 239 ming dollarni tashkil etadi.
Maxsus yo‘ltanlamas 252 nusxadan iborat cheklangan seriyada ishlab chiqariladi. Dizayndagi asosiy o‘zgarishlar orasida ko‘k rangli tormoz supportlariga ega yangi 24 dyuymli g‘ildirak disklari, kuzovning tashqi qismlaridagi (radiator panjarasi, bamperlar va yon oynalar) karbon qoplamalar hamda ostonalarning maxsus yoritkichlari bor.
«Yubiley» yo‘ltanlamasining saloni qora va kulrang ranglarda ishlangan. Shuningdek, interyerda brendning poyga modellariga ishora qiluvchi ko‘k rangli urg‘ular qo‘llangan. Masalan, xavfsizlik kamarlari va o‘rindiqlarning choklarida aynan shu rang ishlatilgan.
Yangi model 692 ot kuchiga ega 6,2 litrli benzinli V8 dvigateli bilan jihozlangan. Mashina to‘liq uzatmali bo‘lib, soatiga 100 km tezlikka 4,5 soniyada erishadi.