Buxoroda frantsuz va oʻzbekistonlik artistlarning kontserti boʻlib oʻtdi
Buxorodagi Frantsiya madaniyati kunlari doirasida frantsuz muzikantlari ishtirokida musiqiy kecha boʻlib oʻtdi. Kontsert Koʻkaltash madrasasida oʻtkazildi.
Buxoroda frantsuz va oʻzbekistonlik artistlarning kontserti boʻlib oʻtdi
24 oktyabr kuni Buxoroda oʻtkazilayotgan Frantsuz madaniyati kunlari doirasida frantsuz muzikantlari ishtirokida musiqiy kecha boʻlib oʻtdi.
Kontsert tarixiy Koʻkaldosh madrasasida boʻlib oʻtdi. Toʻplanganlar oldida Versaldagi Grand Parc konservatoriyasi direktori oʻrinbosari, frantsuz klarnetchisi Kristof Dravers hamda xalqaro tanlovlar laureati va ushbu konservatoriya oʻqituvchisi, pianinochi Paskal Romano ijro etdi.
Dasturdan mashhur frantsuz kompozitorlari, jumladan Jan-Filipp Ramo, Gabriel Fore, Klod Debyussi va Kamil Sen-Sans asarlari oʻrin oldi.
Mehmonlar orasida Buxoro viloyatiga tashrif buyurgan turistlar ham bor edi. Musiqiy kecha ularga Oʻzbekistonning eng qadimiy madaniy markazlaridan birining tarixiy merosi fonida frantsuz klassik musiqasi bilan tanishish imkoniyatini berdi.
Ushbu tadbir Buxoro aholisi va mehmonlarini Frantsiya madaniyati bilan tanishtirishga qaratilgan Frantsuz madaniyati kunlari dasturining bir qismiga aylandi.